قالا باسشىسىنىڭ باسپا ءسوز قىزمەتى حابارلاعانداي، باۋىرجان بايبەك ينۆەستيتسيا تارتۋدى كۇشەيتە ءتۇسىپ، جاڭا ءوندىرىس ورىندارىن كوبەيتىپ، ش و ب- قا كورسەتىلەتىن مەملەكەتتىك قولداۋدى نىعايتا ءتۇسۋدى تاپسىردى.
سونداي-اق، ۋنيۆەرسيادا ويىندارىنا قاجەتتى سپورت نىساندارىنىڭ قۇرىلىسىن دەر كەزىندە اياقتاپ، كولىك ينفراقۇرىلىمىن نىعايتۋعا باسا ءمان بەردى.
سونىمەن قاتار، قالا باسشىسى قالانىڭ كريمينوگەندىك احۋالىن جاقسارتىپ، تۋريستىك الەۋەتىن ارتتىرۋدىڭ ماڭىزدىلىعىن جەتكىزدى.
«الماتى اكىمى جەرگىلىكتى بيۋدجەتتىڭ قارجىسىن ماقساتتى تۇردە جۇمساپ، سالىق جانە وزگە دە تولەمدەردىڭ دۇرىس ءتۇسۋىن قاداعالاۋ قاجەتتىگىن ايتتى»، - دەلىنگەن حابارلامادا.
جاڭا اكىم باۋىرجان بايبەكتىڭ ق ر پرەزيدەنتى نۇرسۇلتان نازاربايەۆتىڭ «نۇرلى جول - بولاشاققا باستار جول» جولداۋىن جۇزەگە اسىرۋدى ماڭىزدىلىعىن ەسكەرتىپ، الماتى قالاسىن دامىتۋدى الەمدىك داعدارىستى ەسكەرە وتىرىپ جۇرگىزۋ قاجەتتىگىن اتاپ ءوتتى.
اۆتور: گۇلميرا عوسمانالي