26 جاستاعى جاپون ينجەنەرى سكەيتبوردقا ۇقساس كولىگىن WalkCar دەپ اتاپتى. ول مۇنداي كولىكتى قالاداعى كەپتەلىستەن قۇتىلۋ ماقساتىندا جاساپ شىعارعان. سونداي-اق، ونەرتاپقىش ءوز ءونىمىنىڭ مۇمكىندىگى شەكتەۋلى جاندارعا دا كوپ كومەك تيگىزەتىنىن ايتىپ وتىر.
WalkCar العاشقى «سومكە كولىگىنىڭ» سالماعى 2-3 كەلى بولماق. بۇل تۇستا تۇتىنۋشى ءوزىنىڭ سالماعىنا قاراي ساتىپ الا الادى ەكەن. جاڭا ءونىم 120 كەلىگە دەيىنگى سالماقتاعى ادامداردى الىپ جۇرە الادى. سونىمەن بىرگە، جاڭا كولىكتىڭ كولەمىنىڭ پلانشەتتەردەي-اق ەكەنى ايتىلادى. ادام ونىڭ ۇستىنە شىقسا قوزعالادى، ەگەر تۇسە قالسا بىردەن توقتاپ قالادى. ال بۇرىلۋ ءۇشىن كولىكتى دەنە ىرقىمەن باسقارۋعا بولادى ەكەن. WalkCar نارىققا 2016-جىلدىڭ كوكتەمىندە شىقپاق. باعاسى 750 ەۆرو شاماسىندا.