وتىرىس 6 -تامىزدا ءوتتى. ەكى شەكاراشى ايەل وزدەرىن جۇمىستان زاڭسىز شىعاردى دەپ، سوتقا ارىزدانعان. ولار ق ر ۇ ق ك شەكارا قىزمەتىنىڭ 2201 "گ" اسكەري بولىمىندە قىزمەت ەتكەن. جاۋاپكەردىڭ تاراپىنان كۋاگەرلەردەن جاۋاپ الىندى، ولار دا اسكەري قىزمەتتەگى ادامدار. جاۋاپكەر تاراپى جۇمىستان شىعارۋدىڭ زاڭدى بولعانىن مالىمدەدى. سەبەبى ولاردىڭ ايتۋىنشا، ايەلدەر جۇمىستا ءۇش ساعاتتان كوپ ۋاقىت جۇمىستا بولماپتى. الايدا شاعىمدانۋشىلاردىڭ ادۆوكاتى اسلان جولبولوۆ ولاردىڭ بۇل پىكىرىمەن كەلىسپەيدى.
«ولار جۇمىستا بولدى. ءۇشىنشى جاقتى جاۋاپقا تارتۋ تۋرالى، دالەلدەردىڭ، قىزمەتتىك تەرگەۋدىڭ بارلىق ماتەريالدارىنىڭ قولدان جاسالعانى تۋرالى ءوتىنىش بەردىم»، - دەدى جولبولوۆ.
ادۆوكات پەن ونىڭ قورعاۋىنداعى ادامداردىڭ پىكىرىنشە، ولاردىڭ جۇمىستان شىعىپ قالۋىنا وسى جىلدىڭ مامىر ايىندا رەجيم نىسانىندا تۇسىرىلگەن جانە شىلدە ايىندا YouTube ۆيدەوحوستينگىنە جۇكتەلگەن داۋلى ۆيدەو بولعان.
«ۆيدەونىڭ 5 -مامىردا، 18.00 دە، جۇمىس ۋاقىتىنىڭ اياقتالعانىنان كەيىن تۇسىرىلگەنى سول ۆيدەودان بەلگىلى، ازاماتتاردىڭ جەكە ومىرىنە قول سۇعۋشىلىق تا بار، ونىڭ كەسىرىنەن وسىنداي جاۋاپكەرشىلىك ارتىلدى. بۇل اسكەري ءبولىمنىڭ جاۋاپكەرشىلىگىنە دە كىرەدى»، - دەدى ادۆوكات.
كەلەسى سوت وتىرىسى 25 -تامىزعا بەلگىلەندى.