ب. ساعىنتايەۆ قۇرىلىس سالاسىنا جاڭا رەتتەگىش قۇرالداردى ەنگىزۋ ماسەلەلەرىنە ارنالعان وتىرىس وتكىزدى
وتىرىس كەزىندە قۇرىلىس سالاسىنداعى جاڭا رەتتەگىش قۇرالدارىنىڭ قىزمەتىنە قاتىستى جۇرگىزىلگەن ساراپتامالاردىڭ ناتيجەسى قارالدى، دەپ حابارلايدى ق ر ۇكىمەتىنىڭ باسپا ءسوز قىزمەتى.
ۇلتتىق كاسىپكەرلەر پالاتاسى مەن سالالىق قاۋىمداستىقتار بۇل جاڭاشىلدىققا وڭ باعاسىن بەردى.
وتىرىسقا قاتىسۋشىلار كەلەسى رەتتەگىش قۇرالداردى ەنگىزۋدى ماقۇلدادى.
ولار: تاپسىرىس بەرۋشىنىڭ قىزمەتىن جۇزەگە اسىرۋ جانە قۇرىلىس نىساندارىنداعى جۇمىستى ىسكە اسىرۋ ءۇشىن قۇرىلىس جوبالارىن باسقارۋ بويىنشا ينجينيرينگتىك كومپانيالاردى اككرەديتتەۋ؛ عيماراتتار مەن قۇرىلىمداردىڭ بەرىكتىگى مەن سەنىمدىلىگىنە تەحنيكالىق زەرتتەۋ جانە تەحنيكالىق باقىلاۋ جۇرگىزۋمەن اينالىساتىن زاڭدى تۇلعالاردى اككرەديتتەۋ؛ قۇرىلىس جانە جوبالىق ۇيىمداردىڭ ينجەنەرلىك-تەحنيكالىق قىزمەتكەرلەرىن اتتەستاتتاۋ بويىنشا مەملەكەتتىك ەمەس ورتالىقتاردى اككرەديتتەۋ.
ءتيىستى جاعدايلار بولعان كەزدە (ءوزىن ءوزى رەتتەۋ، جاۋاپكەرشىلىكتى بەكىتۋ جونىندەگى زاڭنىڭ قابىلدانۋى) اككرەديتتەۋدىڭ اتالعان تۇرلەرى الداعى ۋاقىتتا باسەكەلىك ورتاعا تاپسىرىلادى.
جوعارىدا اتالعانداردى ەنگىزۋ قۇرىلىس جوبالارىن باسقارۋدا، تەحنيكالىق باقىلاۋ جانە زەرتتەۋ سالاسىندا، اتتەستاتسيالىق ورتالىقتاردىڭ جۇمىسىنا وڭ اسەرىن تيگىزەدى.