وسىلايشا جاپا شەگۋشىنىڭ ءوتىنىشى قاناعاتتاندىرىلىپ وتىر.
ونىڭ قورعاۋشىسىنىڭ ايتۋىنشا، پروكۋرورلار كەيبىر جايتتاردى ەسكەرمەگەن. سوندىقتان ايىپتاۋ اكتىسى قايتادان ازىرلەنەدى.
ەستەرىڭىزگە سالا كەتەيىك، بۇل دەرەك بويىنشا ازىرگە ءبىر عانا ازاماتقا ايىپ تاعىلدى. ول 3 مىڭ ا ق ش دوللارى ءۇشىن ادام ولتىرۋگە كەلىسىپ، تاپسىرىستى ورىنداعان دەگەن كۇدىك بار. الايدا سەزىكتىنىڭ قورعاۋشىسى ءىستى بۇزاقىلىق بابى بويىنشا قاراستىرۋدى سۇراپ، ءوتىنىش بىلدىرگەن بولاتىن.
ولجاس مۇقاجانوۆ، جاپا شەگۋشى:
- ءبىزدى اتىپ ولتىرۋگە تاپسىرىس بەرگەن ءارى وسى قىلمىستى ۇيىمداستىرعان ازاماتتاردىڭ كىم ەكەنى دالەلدەندى. الايدا ولاردىڭ نەلىكتەن وسى ۋاقىتقا دەيىن بوستاندىقتا جۇرگەنىن تۇسىنبەي وتىرمىن. ناقتىراق ايتسام، تاپسىرىس بەرۋشى ەرلان اناربەك پەن قاستاندىقتى ۇيىمداستىرعان مۇرات سادىروۆ ەكەندىگى انىقتالدى. بىزدە ولاردىڭ وسى ىسكە قاتىسى بار ەكەندىگىن ايعاقتايتىن دالەلدەر بار.
ءمادي سۇلتانبەك، جاپا شەگۋشى:
- مەن سوتتىڭ قاۋلىسىمەن كەلىسەمىن. ءى ءى م مەن استانا قالالىق ىشكى ىستەر دەپارتامەنتىنىڭ قىزمەتكەرلەرى بۇل قىلمىسقا قاتىسى بار ادامداردى انىقتادى. الداعى ۋاقىتتا ولار ۇستالىنىپ، زاڭ الدىندا جاۋاپ بەرەدى دەپ سەنەمىن.
www.24.kz