قانداستاردىڭ قايتا ورالۋى ەل دەموگرافياسنا سەرپىن بەردى

استانا. قازاقپارات - تاۋەلسىزدىكتىڭ العاشقى جىلدارى «ۇلى كوشپەن» ەستە قالدى.

سىرت ەلدەگى قانداستار اتامەكەنگە ات باسىن بۇردى، دەپ مالىمدەدى АlmatyNews AA- نىڭ تىلشىسىنە فيلولوگيا عىلىمدارىنىڭ دوكتورى، پروفەسسور سەيدوللا سادىقوۆ.

«تاۋەلسىزدىكتىڭ العاشقى جىلدارىندا موڭعولياداعى، قىتايداعى، يرانداعى تاعى دا باسقا شەتەلدەردەگى قازاقتار اتامەكەنگە ات باسىن بۇرا باستادى. وسى ءبىر جىلدارى قازاقستان سىرت ەلدەردەگى باۋىرلاردى تاريحي وتانىنا قايتارۋ جونىندە جانە ولارعا كوشى- قون ماسەلەسىن شەشۋ جايلى تىڭ وزگەرىستەردى ەنگىزدى. ەلباسى اتاجۇرتتى اڭساپ كەلگەن قانداستاردىڭ قازاقستان ازاماتتىعىن الۋدا، تۇپكىلىكتى قونىستانۋدا قولايلى جاعداي تۋعىزۋدى باستى نازارعا الدى. سونىمەن قاتار، قۋعىن- سۇرگىن كەزىندە قاتال تاعدىردىڭ تالكەگىمەن الەمنىڭ تۇكپىر- تۇكپىرىنە تارىداي شاشىلىپ كەتكەن قازاقتاردى وتانىنىمىزعا قايتارۋ عانا ۇلتتىق ورتانى قالىپتاستىرۋدىڭ ەڭ ماڭىزدى شارتتارىنىڭ ءبىرى بولدى» - دەدى پروفەسسور.

قازىرگى تاڭدا وتانىمەن قايتا قاۋىشىپ، ازاماتتىعىن العان 800 مىڭنان استام قانداستار تاۋەلسىز مەملەكەتتىڭ ءتۇتىنىن تۇتەتىپ وتىر. سونداي- اق، الداعى ونجىلدىقتا قازاق حالقىنىڭ سانى 35-40 ميلليونعا كوتەرىلىپ، الەمدىك وركەنيەتتىڭ بەل ورتاسىنان ويىپ ورىن الادى دەپ سەنەمىز!