دارىن دەگەنىمىز - دۇرىس تاڭداۋ جاساي ءبىلۋ

استانا. قازاقپارات - روبەرت دە نيرو نيۋ-يورك قالاسىنىڭ مانحەتتەن اۋدانىنا جاقىن ورنالاسقان كىشى يتاليا دەگەن جەردە دۇنيەگە كەلگەن.

اكەسى دە، شەشەسى دە ونەر سالاسىنداعى ادامدار. ايگىلى ءارتىس كينو الەمىندە جۇلدىزى جانىپ، تولاعاي تابىستارعا قول جەتكىزدى. ەرەكشە دارىندىلىعىمەن كوزگە تۇسكەن روبەرتتىڭ "وگەي اكە" فيلمىندە سومداعان ءرولىن ءبارىڭىز دە جاقسى بىلەتىن شىعارسىزدار.

سونىڭ كەسىرىنەن ونىڭ يتاليا ازاماتتىعىن الا الماعانى دا كوپشىلىككە ءمالىم. الايدا ونىڭ اتا- بابالارىنىڭ ءبارى يتاليالىقتار بولعان. ءبىز بۇگىن دە نيرونىڭ تاعىلىمعا تولى سوزدەرىن نازارلارىڭىزعا ۇسىنعىمىز كەلىپ وتىر.

1. دارىن دەگەنىمىز - دۇرىس تاڭداۋ جاساي ءبىلۋ.

2. قانداي كۇيزەلىس كەلسە دە كۇلىمدەپ قارسى الۋ كەرەك. سوندا ول ءسىزدى ەسۋاس دەپ ويلاپ، ءوزى قاشىپ كەتەدى.

3. جاستىق شاعىما قاراعاندا مەن قازىر كوپ كۇلەمىن. سەبەبى ادامدارعا كوزقاراسىم وزگەردى.

4. مەنىڭ ويىمشا رەجيسسەر مەن پرەزيدەنتتىڭ جۇمىستارى ءبىر- بىرىنە قاتتى ۇقسايدى.

5. ءبىر نارسەنى ءتۇسىنۋ ءۇشىن الدىمەن بايقاپ كورۋ كەرەك.

6. ەگەر ورىندىعىڭىز جاقسى بولسا، جۇمىسقا دا، باسقاعا دا تەز كىرىسىپ كەتەسىز.

7. كەيدە مەن ولىلەرگە قاتتى قىزىعامىن. ويتكەنى ولاردىڭ بوس ۋاقىتتارى وتە كوپ.

8. مەنىڭ ومىردەن بايقاعانىم قارتتىق پەن ساقتىق قاتار كەلەدى ەكەن.

9. تاۋەكەلكە بارا المايتىن جاندار وزدەرىنىڭ يكەمدىلىگىن، قابىلەتتىلىگىن اڭعارمايدى.

10. مەن ارتىق كيىمدەردىڭ بولعانىن قالامايمىن. ويتكەنى كيىمىڭ كوپ بولعان سايىن ولاردى جۇمسايتىن كۇش- قۋاتىڭ دا كوپ بولادى.

11. ءار ادامنىڭ ءوز شىندىعى بار.

12. قورقۋدى قويعان دۇرىس. الايدا قايسارلىق پەن ەسسىزدىكتى شاتاستىرىپ الماۋىڭىز كەرەك.

13. جاسارۋدان ارىقتاۋ الدەقايدا جەڭىلدەۋ سياقتى. ءبىراق ەكەۋىنە دە قول جەتكىزۋگە بولادى.

 14. ادامدار ءار ءتۇرلى بولادى. بىرەۋلەر ەرەكشە ءبىر نارسە ويلاپ تاپقىسى كەلسە، ەندى بىرەۋلەر سول نارسەدەن قالاي اقشا ءتۇسىرۋدى ويلاپ وتىرادى.

 15. جاقسى مەن جاماندى اجىراتىپ ۇيرەتەتىن ادامعا ءبارىن بەرۋگە دە بولادى.

«ماسساگەت»