ازاتتىقتىڭ وزبەك قىزمەتىنىڭ حابارلاۋىنشا، گەنەرال شاريفحودجايەۆتىڭ وتكەن اپتادا جەمقورلىق جانە قارجى جىمقىرۋ ايىبى بويىنشا قامالعانى ەندى ءمالىم بولعان.
ۇلتتىق قاۋىپسىزدىك قىزمەتىنىڭ اتى-ءجونىن ايتپاۋدى وتىنگەن شەنەۋنىگى 52 جاستاعى شاريفحودجايەۆتىڭ تاشكەنتتەگى گۆاردەيسكي تۇرمەسىندە قاماۋدا وتىرعانىن ايتقان.
حايوت شاريفحودجايەۆ - گۇلنارا كاريموۆانىڭ ىسىمەن بايلانىسى بار قاماۋعا الىنعان العاشقى شەنەۋنىك. ءبىراق ونىڭ ۇستالۋىنىڭ كاريموۆانىڭ ىسىمەن تىكەلەي بايلانىسى بار- جوعى ازىرگە بەلگىسىز.
ءساۋىر ايىندا شاريفحودجايەۆ قىزمەتىنەن الىنىپ، تاشكەنتتەگى ۇلتتىق قاۋىپسىزدىك قىزمەتى مەكتەبىنە وقىتۋشىلىق قىزمەتكە تۇرعان. ءبىر كەزدەرى اكەسى يسلام كاريموۆتىڭ ەڭ ىقتيمال مۇراگەرى سانالعان گۇلنارا كاريموۆا جانجالعا شاتىلىپ، وتكەن جىلى وزبەكستانداعى مەديا رەسۋرستارىنان ايىرىلعان. كاريموۆا 2014 -جىلدان بەرى ءۇيقاماققا الىنىپ، كوررۋپسيالىق قىلمىسقا قاتىستى تەرگەلىپ جاتىر.
ازاتتىق