جازىپ وتىرعانىمىز ويدان قۇراعان وتىرىك ەمەس، ومىردە بولعان ادام، بولعان وقيعا بولعاندىقتان عوي، تالاسباي اقساقالدىڭ ونەگەلى اڭگىمەلەرى ءوز الدىنا ءوربي بەرەدى ەكەن. اڭگىمەلەرىن رەتىنە قاراي تاعى دا ايتا جاتارمىز، مىنا ءبىر ارەكەتىنە ءتانتى بولدىق- اۋ!..
ول كىسىنىڭ ەرىنىڭ الدىڭعى قانجىعاسىندا ۇنەمى ءبىر كىشكەنتاي قالتا جۇرەدى ەكەن. سويتسە ول ساپاردا جۇرگەندە كيىمىنە كىشى دارەتىن تيگىزبەۋ ءۇشىن پايدالاناتىن كەسەك ەكەن. شاريعاتتا كىشى دارەتتىڭ كيىمگە تيۋىنەن قاتتى ساقتانۋ كەرەكتىگى ايتىلادى. ءبىلىمدى جىگىتتەر بىزدەن دە جاقسى بىلەر، كىشى دارەتتىڭ كيىمگە تيۋىنەن ساقتانباۋدى قابىر ازابىمەن بايلانىستىراتىن حاديس تە بار. سول ازاپتى ءبىلىپ، ءبىلىپ قانا قويماي امال ەتىپ، كەسەك سالعان قالتانى ولە- ولگەنشە تاستاماي وتكەن ەكەن عوي جارىقتىق.
بۇل بىرەۋگە جاي عانا وپ- وڭاي ءىس بولىپ كورىنەر. جوق، بۇل وڭاي شارۋا ەمەس. اۋىلداعى قىرشىما ءتىل قىرشاڭقى اعام ايتپاقشى، «سىدىگىن سىلكىپ سالا سالىپ ءجۇرىپ بىزگە تازالىق ۇيرەتكىسى كەلەتىن» قانشاما قاۋىمنىڭ ويىنا كىرىپ- شىقپاعان تازالىق ۇلگىسى بۇل! جانە بۇل تازالىق احيرەتىڭمەن استاسىپ جاتسا وعان ەندى پاراسات بيىگىنەن قاراۋعا تۋرا كەلمەي مە؟ !. قارا جەردى دارەتسىز باسۋعا ءداتى بارمايتىن قاسيەتىڭنەن اينالايىن قاريالارىم- اي!..
ۇلاربەك نۇرعالىم ۇلى
namys.kz