پورتالدىڭ مالىمەتىنشە، جىگىتتىڭ ۇستىنەن قوزعالعان اكىمشىلىك ءوندىرىس توقتاتىلدى. سەبەبى ول كورشىسىن ەمەس، ءيتتى بالاعاتتاعانىن سوتتا دالەلدەدى.
«24 جاستاعى جىگىت دوستارىن ۇيىنە شاقىرعان. شۋلاعاندارى ءۇشىن ولارعا كورشىسى جۇگىرىپ كەلىپتى. تىسقا شىققان جىگىت اڭگىمەنىڭ ءمان- جايىن ەستىپ، اشۋلانىپ، بالاعات ءسوز ايتقان. ايتىلعان سوزدەر وزىنە باعىتتالدى دەپ ويلاعان ايەل پوليتسياعا ارىزداندى. بۇل دەرەككە قاتىستى قىلمىستىق ءوندىرىس قوزعالدى»، - دەلىنگەن جاريالانىمدا.
جىگىت سوتتا ادۆوكاتىنىڭ كومەگىمەن بالاعات سوزدەردى ايەلگە ەمەس، يتكە ايتقانىن دالەلدەدى. ونىڭ ايتۋىنشا، سول ساتتە يت ءۇرىپ، ول ايەلدىڭ ايتقان سوزدەرىن ەستىمەگەن، سوندىقتان يتكە بالاعات سوزدەر ايتىپتى. سونىمەن قاتار، اكىمشىلىك قۇقىق بۇزۋشىلىق ايىبى دا الىپ تاستالدى، سەبەبى جىگىت قوعامدىق ورىندا ەمەس، ءوز ۇيىندە بولعان.