ۇشقىشتار ءبىرىنشى رەت پاراشيۋتپەن سۋ بەتىنە سەكىرۋدى ورىنداپ، سۋ تاسقىنىنان كەيىن قىسىلتاياڭ تىرشىلىك جونىندەگى ءىس- قيمىلدى پىسىقتادى، دەپ حابارلايدى قر قورعانىس مينيسترلىگىنىڭ باسپا ءسوز قىزمەتى.
سۋعا پاراشيۋتپەن سەكىرۋدىڭ وزىندىك ەرەكشەلىكتەرى مەن قيىنشىلىقتارى بار. ۇشقىش وزىنەن تالاپ ەتىلەتىن جوعارعى مورالدىق- جىگەرلىك جانە پسيحولوگيالىق قاسيەتتەر، ءتارتىپ، بارلىق قاۋىپسىزدىك شارالارى جونىندەگى دايارلىق جانە ونى ساقتاي ءبىلۋى سياقتى بىرنەشە فاكتورلار كەشەنى بويىنشا سىنالادى.
«ءبىزدىڭ ەكيپاجدار كاسپيي تەڭىزىنەن، بالقاش كولىنەن جانە باسقا دا قازاقستاندىق سۋ قويمالارىنان ۇشىپ وتەدى. سۋعا سەكىرۋ جاتتىعۋلارى جاۋىنگەرلىك دايارلىق كۋرسىندا قاراستىرىلعان. اتالعان جاتتىعۋلار ۇشقىشتارعا ۇشۋ اپاراتتارىن تاستاپ كەتۋ ماجبۇرلىگى كەزىندە قۇتقارۋ قۇرالدارىن پايدالانۋ داعدىلارىن پىسىقتايتىن بولسا، ال ىزدەستىرۋ- قۇتقارۋ جانە پاراشيۋتتىك- دەسانتتىق قىزمەت ماماندارى اپاتتى باسىنان وتكەرگەن ادامداردى كوشىرۋ كەزىندەگى قاجەتتى مىندەتتەردى ورىندايتىن بولادى»، - دەدى ق ر ق ك ا ق ك ا ا ك ىزدەستىرۋ- قۇتقارۋ جانە پاراشيۋتتىك- دەسانتتىق قىزمەتتىڭ باستىعى مايور ەرجان ابدىكوۆ.
سودان كەيىن ۇشقىشتار اپاتتان كەيىنگى ءىس-قيمىل الگوريتمىن، وزدەرىنىڭ ورنالاسقان جەرىن انىقتاۋ، جارىق دابىلى قۇرالىن پايدالانۋ، جەرلەردى بۇركەمەلەۋ جانە قارسىلاستىڭ ىزىنە تۇسۋدە العا ىلگەرىلەۋدى ورىنداۋ جۇمىستارىن پىسىقتادى.