زاعيپ قىزدىڭ جەتەلەۋشى ءيتىن ۇرلاپ كەتتى

استانا. قازاقپارات - ماسكەۋ مەتروسىندا بەلگىسىز بىرەۋلەر جەر استىندا ءان ايتۋمەن جانە اندرەي مالاحوۆتىڭ باعدارلاماسىندا ونەر كورسەتكەننەن كەيىن جۇرتقا تانىمالى بولعان زاعيپ قىز يۋليا دياكوۆانىڭ جەتەلەۋشى ءيتىن ۇرلاپ كەتتى.

بۇل وقيعا شامامەن كەشكى ساعات التىلاردا «پروفسويۋزنايا» مەتروسىنىڭ ماڭىندا ورىن الدى. بۇل تۋرالى جاپا شەگۋشىنىڭ قۇربىسى اننا ارحانگەلسكايا ايتتى.

ونىڭ سوزىنە قاراعاندا، ديانا ەسىمدى ءيت جىپكە بايلاۋلى بولعان. بىرنەشە رەت بۇلقىنعان ءيتتى يەسى قايتىپ كەلەر دەپ بوساتىپ جىبەرگەن. كەيىن يۋليا ونى شاقىرا باستاعان. ءبىراز ۋاقىتتان سوڭ جاپا شەگۋشىگە بەيتانىس قىز كەلىپ، مەترودان ءبىر ايەلدى جەتەلەۋشى يتپەن كورگەنىن ايتقان.

كەيىن سول ماڭنان قاسكويلەر تاستاپ كەتكەن ءيتتىڭ قارعىباۋى تابىلدى. ساراپشىلاردىڭ ايتۋىنشا، ۇرلىق سەبەبى تۇسىنىكسىز. چيپ ورناتىلعانعا قاراماستان ءيتتى تابۋ وڭايعا تۇسپەك ەمەس، دەپ جازدى گازەتا. رۋ.