قالجىڭباس ءبىر رەت قوڭىراۋ شالىپ، ءبىر جارىم جىلعا سوتتالدى
بۇل تۋرالى الماتى قالالىق سوتىنىڭ باسپا ءسوز قىزمەتى حابارلادى.
2015-جىلدىڭ 14- ماۋسىمىندا شامامەن 17.00 ساعاتتا ول «Samsung DUOS» ۇيالى تەلەفونى ارقىلى تەرروريزم اكتىسى تۋرالى جالعان حابارلاما جاساعان. الماتى قالاسىنىڭ ءى ءى د جەدەل ورتالىق باسقارماسىنىڭ 102 نومىرىنە قوڭىراۋ شالىپ، پۋلتتە وتىرعان كەزەكشىگە «الماتى اۋەجايىندا بومبا» دەگەن قىسقا حابارلاما ايتقان.
«قالجىڭباس» بۇل حابارلاما ەلدى ابىگەرگە سالىپ، بەكىتىلگەن باسقارما ءتارتىبى بۇزىلىپ، كەيبىر مەملەكەتتىك مەكەمەلەردە، سونىڭ ىشىندە اۋەجايدا دا قىزمەت رەتى بۇزىلادى دەپ ەسەپتەگەن.
وسى قىلمىسى ءۇشىن ف. يبديمينوۆ تاراپىنان الماتى قالاسىنىڭ ت ج د قىزمەتىنە 30336 تەڭگە سومادا، «الماتى قالاسى حالىقارالىق اۋەجايى» ا ق- نا 230382 تەڭگە سوماسىندا، سونىمەن قاتار ق ر ۇ ق ك- ءنىڭ الماتى قالاسى بويىنشا دەپارتامەنتىنە، «ەير استانا» ا ق اۆياكومپانياسىنا 2453714 تەڭگە مولشەرىندە جانە ت. ب. ماتەريالدىق شىعىندار كەلتىرىلگەن.
مەملەكەتتىك ايىپتاۋشىنىڭ وكىلى تەلەفون تەرروريسىن ق ر ق ك- ءنىڭ 273 بابى بويىنشا كىنالى دەپ تانىپ، 2 جىلعا باس بوستاندىعىنان ايىرىپ، جازانى جالپى رەجيمدەگى تۇزەۋ كولونياسىندا وتەۋدى بەلگىلەۋدى سۇرادى.
يبديمينوۆ ءوزى بولسا، جاساعان ارەكەتىنە شىن جۇرەكتەن قىنجىلاتىنىن ايتتى.
سوت پروتسەسىندە ءتوراعالىق ەتۋشى، سۋديا ا. كارگاشوۆا يبديمينوۆتى قازاقستان رەسپۋبليكاسىنىڭ قىلمىستىق كودەكسىنىڭ 273 بابىندا كورسەتىلگەن قىلمىستى جاساعانى ءۇشىن كىنالى دەگەن ۇكىم جاريالادى. اتالمىش باپ بويىنشا، 1 جىل 6 اي مەرزىمگە باس بوستاندىعىنان ايىرىلىپ، جازاسىن جالپى رەجيمدەگى تۇزەۋ كولونياسىندا وتەۋ تاعايىندالدى.
«ەير استانا» ا ق- نىڭ تالاپ ارىزى تولىعىمەن قاناعاتتاندىرىلىپ 2453714 تەڭگە ءوندىرىلدى، ال «الماتى قالاسى حالىقارالىق اۋەجايى» ا ق- نىڭ تالاپ ارىزى ءىشىنارا قاناعاتتاندىرىلىپ، 220382 تەڭگە ءوندىرىلدى.
ۇكىم زاڭدى كۇشىنە ەنگەن جوق.