امەريكالىق جانۇيا ءبىر ميلليون دوللار تۇراتىن قازىنا تاۋىپ الدى

استانا. قازاقپارات - فلوريدا شتاتىندا كونە قازىنالاردى ىزدەۋمەن اينالىساتىن جانۇيا 300 جىل بۇرىن سۋعا باتقان كەمەدەن قۇنى 1 ميلليون دوللار بولاتىن يسپان التىنىن تاۋىپ الدى.

بۇل تۋرالى باتىپ كەتكەن كەمەگە يەگەرلىك قۇقىعىن 2010-جىلى ساتىپ العان Queens Jewels LLC كومپانياسىنىڭ باسشىسى برەنت بريسبەن (Brent Brisben) حابارلادى.

قازىنا ىزدەۋشى ەريك شميتت ءوز ايەلىمەن، اتا-اناسى جانە قارىنداسىمەن بىرگە 51 التىن مونەتا، 12 مەترلىك التىن شىنجىر تاۋىپ العان.

The Local حابارلاعانداي، بۇل ولجالى جانۇيانىڭ سوڭعى ءۇش جىلدا تاپقان ءۇشىنشى قازىناسى.

فەدەرالدى زاڭناما جانە شتات زاڭناماسى بويىنشا قازىنانىڭ 20 پايىزى جەرگىلىكتى مۋزەيگە قويىلادى، ال قالعانىن بريسبەننىڭ كومپانياسى مەن شميت جانۇياسى ءبولىپ الادى، دەپ جازادى لەنتا. رۋ.