دوللار باعامىنىڭ قۇلدىراۋى مۇمكىن بە؟
دەگەنمەن، سوڭعى كەزدەرى ا ق ش- تا ءمالىم بولعان ماكروەكونوميكالىق ستاتيستيكا قىسقا مەرزىمدى قۇلدىراۋدىڭ ورىن الاتىنىن ايعاقتاپ وتىرعانداي. فەدەرالدىق رەزەرۆ قىزمەتى (ف ر ق) ونەركاسىپ ءوندىرىسى مەن قۋاتتاردىڭ جۇكتەلۋىنە قاتىستى قايتا قارالعان مالىمەتتى ۇسىنعاننان كەيىن اكسيالاردىڭ، وبليگاتسيالاردىڭ تابىستىلىعى مەن دوللار باعامى بىردەن قۇلدىراي باستاعان.
ا ق ش- تىڭ ونەركاسىبى سوڭعى جىلدارى بۇرىن بولجانعانعا قاراعاندا باياۋ قالپىنا كەلۋدە. ماسەلەن، ءوندىرىس تەك 2014-جىلدىڭ مامىرىندا عانا داعدارىسقا دەيىنگى كەزەڭدەگى كورسەتكىشكە قول جەتكىزە الدى، ال ول فەدەرالدىق رەزەرۆ قىزمەتى بۇعان دەيىن حابارلاعان مەرزىمنەن 7 ايعا كەش. ءوندىرىستىڭ جالپى كولەمى 2011-جىلدان 2013-جىلعا دەيىنگى ارالىقتا 2,5 پايىزدان دا تومەن دەڭگەيدە ءوسىپ، تەك 2014-جىلى عانا 4,5 پايىزعا كوتەرىلگەن.
ءبىراق ول دەڭگەي بيىلعى جىلى قايتادان قۇلدىراپ كەتىپ وتىر. مەتالل قۇرىلعىلار، ماشينالار مەن كومپيۋتەرلەر، ەلەكترونيكا ءوندىرىسى بۇعان دەيىن حابارلانعانعا قاراعاندا الدەقايدا باياۋ قارقىنمەن ءوستى، دەپ اتاپ كورسەتىلگەن ف ر ق بايانداماسىندا. رىنوك ءۇشىن مۇلدەم كۇتپەگەن جاعداي بولىپ تابىلعان مۇنداي مالىمەتتەر قالپىنا كەلۋ قارقىن الا تۇسۋدە دەگەن ءۇمىتتى مەيلىنشە السىرەتە تۇسەدى.
ءمالىم بولعان جاعدايلارعا قاراعاندا، ەگەر ف ر ق جاعدايدى جاقسارتۋ ءۇشىن قانداي دا ءبىر جاڭالىق ويلاپ تاپپاسا، رىنوك قۇلدىراۋىنىڭ بۇدان دا كۇشتىرەك بولۋى ابدەن مۇمكىن. بۇدان ءارى نە بولادى؟ جاعدايعا قاراعاندا امەريكالىقتاردى ماكروەكونوميكالىق كورسەتكىشتەردى ەسەپتەۋدىڭ ادىستەمەسىن وزگەرتۋ تۋرالى ستاتيستيكا ورگاندارى مەن رەتتەگىشتەردەن تاعى ءبىر جاڭا حابار كۇتىپ تۇرعان سياقتى.
قالاي دەگەندە دە، بۇل ەلدە ينۆەستورلاردىڭ، ازاماتتاردىڭ جانە رىنوكتىڭ امەريكا ەكونوميكاسىنىڭ قايتا قالپىنا كەلەتىندىگىنە دەگەن سەنىمدەرىنىڭ جويىلۋىنا جول بەرمەۋ اسا ماڭىزدى مىندەتتەردىڭ ءبىرى بولىپ وتىر، دەپ جازادى «ەگەمەن قازاقستان» گازەتى.