ن. نازاربايەۆ: قازاقستان د س ۇ- عا كىرۋ ۇدەرىسىن اياقتادى
بۇل تۋرالى بۇگىن دۇنيەجۇزىلىك ساۋدا ۇيىمى باس كەڭەسىنىڭ وتىرىسىندا ەلباسى نۇرسۇلتان نازاربايەۆ مالىمدەدى.
«قۇرمەتتى د س ۇ- عا مۇشە ەلدەر وكىلدەرى، حانىمدار مەن مىرزالار! بۇگىن قازاقستان ءۇشىن تاريحي وقيعا ورىن الىپ وتىر. دۇنيەجۇزىلىك ساۋدا ۇيىمىن بەكىتۋ تۋرالى مارراكەشسك كەلىسىمىنە قوسىلۋ حاتتاماسىنا قول قويا وتىرىپ، قازاقستان ۇيىمعا كىرۋ پروتسەسىن اياقتايدى. تولىقتاي العاندا، وسى جەردە ايتىلعانداي، ءبىز 20 جىلعا جۋىق ۋاقىت بويى وسىناۋ كەلىسسوزدەردى جۇرگىزدىك»، - دەپ اتاپ ءوتتى مەملەكەت باسشىسى.
وسى رەتتە ن. نازاربايەۆ قازاقستان بۇل كەلىسسوزدەردى مۇنان ارى دا جالعاستىرا بەرۋگە دايىن بولعانىن باسا ايتتى. سونىمەن قاتار كۇردەلى كەلىسسوزدەر پروتسەسى بارىسىندا وڭتايلى تاسىلدەر تابا بىلگەن د س ۇ- عا مۇشە ەلدەردىڭ بارلىعىنا شىنايى ريزاشىلىعىن ءبىلدىردى.
اۆتور: مارلان جيەمباي