ن. نازاربايەۆ پەن ر. ازيەۆەدو قازاقستاننىڭ د س ۇ- عا قوسىلۋى بويىنشا كەلىسسوزدەردىڭ ءساتتى اياقتالعانىنا قاتىستى پىكىر الماستى
10:05, 28 - شىلدە 2015
استانا. قازاقپارات - مەملەكەت باسشىسى نۇرسۇلتان نازاربايەۆ دۇنيەجۇزىلىك ساۋدا ۇيىمىنىڭ باس ديرەكتورى روبەرتو ازيەۆەدومەن كەزدەستى، دەپ حابارلادى اقوردانىڭ باسپا ءسوز قىزمەتى.
كەزدەسۋ بارىسىندا تاراپتار قازاقستاننىڭ د س ۇ- عا كىرۋى جونىندەگى كەلىسسوزدەردىڭ تابىستى اياقتالۋىنا قاتىستى پىكىر الماستى. سونىمەن قاتار ەلىمىزدىڭ وسى ۇيىمعا كىرۋى جونىندەگى قۇجاتتار توپتاماسىن راتيفيكاتسيالاۋمەن بايلانىستى ىشكى راسىمدەر ماسەلەسى دە قوزعالدى.
ەلباسى رەسپۋبليكامىزدىڭ د س ۇ- عا ەنۋى «قازاقستان - 2050» ۇزاقمەرزىمدى دامۋ ستراتەگياسىندا قويىلعان مىندەتتەردى جۇزەگە اسىرۋ، سونداي- اق سىرتقى ساۋدانى ودان ءارى دامىتۋ جانە شەتەلدىك ينۆەستورلارمەن ءوزارا ىقپالداستىقتى كەڭەيتۋ تۇرعىسىنان ماڭىزدى ەكەنىن اتاپ ءوتتى.