د س ۇ- عا مۇشە مەملەكەتتەر قازاقستاندى شىعىس پەن باتىس اراسىنداعى كوپىر رەتىندە قاراستىرادى - چ. وساكۆە
14:55, 27 - شىلدە 2015
جەنەۆا. قازاقپارات - دۇنيەجۇزىلىك ساۋدا ۇيىمىنا مۇشە مەملەكەتتەر قازاقستاندى شىعىس پەن باتىس اراسىنداعى كوپىر رەتىندە قاراستىرادى.
بۇل تۋرالى بۇگىن قازاقستاندىق ب ا ق وكىلدەرىنە شاعىن سۇحبات بەرگەن دۇنيەجۇزىلىك ساۋدا ۇيىمى مۇشەلىككە قابىلداۋ جونىندەگى دەپارتامەنتىنىڭ ديرەكتورى چيدۋ وساكۆە ايتتى.
«سىزدەردىڭ پرەزيدەنتتەرىڭىز وتە كورەگەن ادام ءارى مەملەكەتتەرىڭىز ءۇشىن وتە جاقسى باستامالارى بار. وسى رەتتە ايتا كەتەرلىگى، قازاقستان - ستراتەگيالىق تۇرعىدا وتە ماڭىزدى مەملەكەت. ءتىپتى، كەرەك دەسەڭىز، سىزدەردىڭ ەلدەرىڭىز ورتالىق ازياداعى ەڭ ىقپالدى مەملەكەت ەكەندىگى انىق. سوندىقتان دا د س ۇ- عا مۇشە مەملەكەتتەردىڭ باسىم بولىگى قازاقستاندى شىعىس پەن باتىس اراسىنداعى كوپىر رەتىندە قاراستىرادى. بۇل ناقتى ءبىر دەڭگەيدە جاۋاپكەرشىلىك جۇكتەيدى ءارى سىزدەردىڭ ەلدەرىڭىزگە ايرىقشا نازار اۋدارتاتىندىعى ءسوزسىز»، - دەدى ول.
اۆتور: مارلان جيەمباي