ءۇش كۇندىك پىكىرتالاستان كەيىن تۋنيس پارلامەنتى كوپشىلىك داۋىسىمەن زاڭعا ەنگىزىلگەن تۇزەتۋلەردى ماقۇلدادى، ول سونداي-اق تەرروريزمدى جاريا اقتاعانداردى تۇرمەگە قاماۋدى، كۇدىكتىنى سوتتىڭ سانكسياسىنسىز 15 كۇنگە دەيىنگى مەرزىمدە قاماۋدا ۇستاۋدى، ادۆوكاتقا قولجەتىمدىلىكتى كوزدەيدى، ارنايى قىزمەتتەرگە تەلەفونمەن اڭگىمەلەسۋلەردى تىڭداۋدى جەڭىلدەتەدى.
سپيكەر مۇحاممەد ەنناسەردىڭ پىكىرىنشە، ەنگىزىلگەن وزگەرىستەر ازاماتتاردىڭ ءوز قاۋىپسىزدىگىنە سەنىمدىلىگىن ارتتىرادى.
ەسكە سالا كەتەيىك، ءبىر اي بۇرىن، 26 -ماۋسىمدا، قارۋلى قىلمىسكەر سۋس كۋرورتتىق قالاسىندا جاعاجايدا دەمالىپ جاتقان تۋريستەرگە وق اتىپ، سالدارىنان 38 ادام قازا تاپقان. بۇدان بۇرىن، 18 -ناۋرىزدا 21 تۋريست ەل استاناسىنداعى باردو مۇراجايىنداعى اتىستىڭ قۇربانى بولدى. ەكى شابۋىل ءۇشىن ايىپ «يسلام مەملەكەتى» سودىرلارىنا جۇكتەلىپ وتىر.