تيەفۋ قالاسىندا تۇرعىن ءۇيدىڭ ۇستىنە جەڭىل ۇشاق قۇلادى
10:15, 26 - شىلدە 2015
استانا. قازاقپارات - توكيوعا جاقىن ماڭداعى جاپوندىق تيەفۋ قالاسىندا تۇرعىن ءۇيدىڭ ۇستىنە جەڭىل ۇشاق قۇلادى، دەپ حابارلادى ت ا س س.
وقيعا ورنى تىكەلەي بەينەلەگەن كادردا ۇيىندىدەن شىققان ءتۇتىن انىق كورىنەدى. ءبىر ءۇي تولىقتاي جانىپ كەتىپ، تاعى ەكى ءۇي زاقىمدانعان، اۋلاداعى ەكى كولىك تە ورتكە ورانعان.
ءورت ءسوندىرۋ قىزمەتىنەن حابارلاعانداي، ۇيدە ءتورت ادام بولعان، تاعى ءبىر ادام ۇشاقتا قالىپ قويعان. قيراعان ءۇي ۇيىندىلەرىنىڭ استىنان قۇتقارۋشىلار ءۇش ادامدى الىپ شىقتى، ونىڭ ەكەۋى ەسسىز كۇيدە. باسقا زارداپ شەگۋشىلەر تۋرالى مالىمەت ازىرگە جوق.
الايدا جاراقات العاندار سانى ارتۋى مۇمكىن. Kyodo اگەنتتىگىنىڭ حابارلاۋىنشا، ۇشاق بەس ادامعا ارنالعان، ءبىراق ونىڭ ىشىندە جولاۋشىلاردىڭ بولعان-بولماعاندىعى انىقتالىپ جاتىر.
وقيعا ورنىندا قۇتقارۋشىلار، ءورت سوندىرۋشىلەر جۇمىس ىستەۋدە. ۇشاقتىڭ قۇلاۋ سەبەبى ازىرگە بەلگىسىز.