قىزىلوردا مەن قىتاي مۇناي ۋنيۆەرسيتەتى مۇناي سالاسىنىڭ بىلىكتى ماماندارىن بىرىگىپ دايارلاماق - فوتو
بۇل تۋرالى ۋنيۆەرسيتەتتىڭ باسپا ءسوز قىزمەتى حابارلادى.
جيىنعا «پەترو قازاقستان قۇمكول رەسورسيز» كومپانياسى اكسيونەرلىك قوعامىنىڭ باسقارما ءتوراعاسى سين حۋنۆەي، اكىمشىلىك-شارۋاشالىق ءبولىمىنىڭ مەنەدجەرى چجان يۋنلي، ەڭبەك رەسۋرستارى جانە اكىمشىلىك جونىندەگى باسقارما ءتوراعاسىنىڭ ورىنباسارى دامينوۆا سۋفيا راۆيليەۆنا، وقۋ ءبولىمى جانە پەرسونالدى دامىتۋ ءبولىمىنىڭ باستىعى قوسانوۆا ايكۇمىس مادىبەك قىزى جانە «سنپس-ايدان مۇناي» كومپانياسى اكسيونەرلىك قوعامىنىڭ پرەزيدەنتى ليۋ شاويۋ قاتىستى.
كەزدەسۋ بارىسىندا ۋنيۆەرسيتەت رەكتورى، تەحنيكا عىلىمدارىنىڭ دوكتورى، پروفەسسور قىلىشباي بيسەنوۆ مارتەبەلى مەيماندارعا ۋنيۆەرسيتەتتىڭ ميسسياسى، ءبىلىم بەرۋ قىزمەتى مەن عىلىمي الەۋەتى جانە حالىقارالىق بايلانىسى جونىندە كەڭىنەن تانىستىردى. سونىمەن بىرگە، قىتاي مۇناي ۋنيۆەرسيتەتىمەن ارىپتەستىك بايلانىس 2013-جىلدان بەرى جۇرگىزىلىپ كەلە جاتقاندىعىن اتاپ ءوتتى.
كەزدەسۋ بارىسىندا قورقىت اتا اتىنداعى قىزىلوردا مەملەكەتتىك ۋنيۆەرسيتەتى مەن بەيجيىڭ قالاسىنداعى قىتاي مۇناي ۋنيۆەرسيتەتىنىڭ باسشىلارى وقۋ ورىندارى اراسىنداعى ىنتىماقتاستىق جونىندەگى كەلىسىم-شارتقا قول قويدى.
قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ دەلەگاتسياسى وسى جىلدىڭ ماۋسىم ايىندا قىتاي مۇناي ۋنيۆەرسيتەتىندە ءىس ساپاردا بولىپ، اتالعان وقۋ ورنىنىڭ ماتەريالدىق-تەحنيكالىق بازاسىمەن تانىسىپ، ەكىجاقتى ىنتىماقتاستىق ماسەلەلەرى جونىندە كەلىسسوزدەر جۇرگىزگەن بولاتىن.
وقۋ ورىندارى اراسىنداعى ءوزارا ىقپالداستىقتىڭ نەگىزگى ماقساتى - بىرلەسكەن ءبىلىم بەرۋ ورتالىعىن قۇرۋ، باكالاۆرياتتىڭ 7 ماماندىعى بويىنشا «2+1+2» جۇيەسى نەگىزىندە بىرلەسكەن قوس ديپلومدىق - قوس دارەجەلى باعدارلامانى ەنگىزۋ، پروفەسسور- وقىتۋشىلار قۇرامىمەن الماسۋ باعدارلاماسىن جۇزەگە اسىرۋ جانە ۋنيۆەرسيتەتتىڭ بازاسىندا قىتاي ءتىلى مەن مادەنيەتىن وقىتۋ ورتالىعىن قۇرۋ، قىتاي مەملەكەتىنىڭ ستيپەنديالىق باعدارلاماسىن ەنگىزۋ بولىپ تابىلادى.
ارىپستەستىك كەزدەسۋ اياسىندا ۋنيۆەرسيتەتتىڭ 1№ وقۋ عيماراتىنان قورقىت اتا اتىنداعى قىزىلوردا مەملەكەتتىك ۋنيۆەرسيتەتى جانە قىتاي مۇناي ۋنيۆەرسيتەتىنىڭ بىرلەسكەن ءبىلىم بەرۋ ورتالىعىنىڭ ارنايى اشىلۋ ءراسىمى ءوتتى.
قىتاي مۇناي ۋنيۆەرسيتەتىنىڭ پرەزيدەنتى، پروفەسسور چجان لايبين مىرزا ءوز سوزىندە ەكى جوعارى وقۋ ورىندارى اراسىنداعى ىنتىماقتاستىق بارىسىندا مۇناي سالاسىنا بىلىكتى ماماندار دايارلاۋمەن قاتار بىرلەسكەن عىلىمي جۇمىستار جۇرگىزىلەتىندىگىنە توقتالدى.
قورقىت اتا اتىنداعى قىزىلوردا مەملەكەتتىك ۋنيۆەرسيتەتىنىڭ حالىقارالىق بايلانىسى جىل سايىن نىعايۋدا. ۋنيۆەرسيتەت جاقىن جانە الىس شەتەلدەردىڭ 65 جەتەكشى جوعارى وقۋ ورىندارىمەن، ءتۇرلى حالىقارالىق قورلار جانە ورتالىقتارمەن تىعىز قارىم-قاتىناس ورناتقان. وسى شەتەلدىك ارىپتەس وقۋ ورىندارى اراسىندا قىتاي حالىق رەسپۋبليكاسىنىڭ جەتەكشى وقۋ ورىندارى، اتاپ ايتقاندا، سانجى كاسىپتىك-تەحنيكالىق كوللەدجى، سانجى ۋنيۆەرسيتەتى، قىتاي مۇناي ۋنيۆەرسيتەتى دە بار.
ۋنيۆەرسيتەتتە 2013-2014 وقۋ جىلىنان باستاپ باكالاۆرياتتىڭ «شەت ەل ءتىلى: ەكى شەتەل ءتىلى» ماماندىعى بويىنشا ماماندار دايارلاۋ اعىلشىن-قىتاي، اعىلشىن-كارىس، اعىلشىن-اراب تىلدەرىندە جۇزەگە اسىرىلۋدا. سونىمەن بىرگە، «مۇناي-گاز ءىسى» ماماندىعىنىڭ ستۋدەنتتەرىنە قىتاي ءتىلى ءپانى قوسىمشا وقىتىلۋدا.