قازاقستاندا جاسالعان: شىمكەنتتە شۇبات پەن قىمىز بالمۇزداعى تەك جەرگىلىكتى ونىمنەن جاسالادى

شىمكەنت. قازاقپارات - شىمكەنتتە شۇبات پەن قىمىز بالمۇزداعى تەك جەرگىلىكتى ونىمنەن جاسالادى.

 ۇلتتىق سۋسىنداردان بالمۇزداق جاساۋدى «لادۋشكي» كونديتەرلىك جەلىسى قولعا العان. ءبىر جىلدىڭ ىشىندە مۇنداي ونىمگە دەگەن سۇرانىس ەكى ەسەگە ارتقان. «مۇنداي وي تۋىپ، ونى جۇزەگە اسىرۋ ءۇشىن 3-4 اي جۇمىس ىستەدىك. بەلگىلى حيميالىق قۇرامى بار بۇل ۇلتتىق سۋسىنداردان بۇرىن ەشكىم بالمۇزداق جاساپ كورمەگەن.

ينگرەديەنتتەردىڭ قۇرامى مەن ولاردىڭ كولەمىن تاڭداۋ بويىنشا قىرۋار شارۋا اتقاردىق. بالمۇزداقتى ءتاتتى، نە سۇيىق نە قويۋ ەمەس قىلىپ جاساۋعا تىرىستىق. ينگرەديەنتتەردى قوسۋ ءۇشىن ۋاقىت قاجەت بولدى»، - دەدى «لادۋشكي» كونديتەرلىك جەلىسىنىڭ باس تەحنولوگى نايليا ماحيانوۆا.

بالمۇزداقتىڭ شامامەن E ى ۇلتتىق سۋسىننان تۇرادى، - دەيدى تەحنولوگ. سونىمەن قاتار ونىڭ قۇرامىندا - 5 ءىرى قارا ءسۇتىنىڭ قايماعى، جۇمىرتقانىڭ سارىۋىزى، قانت بار. مامانداردىڭ ايتۋىنشا، بالمۇزداق گوست- تا قاراستىرىلعان تەحنولوگيالىق ۇردىسكە سايكەس دايىندالادى.

بۇل مىندەتتى تۇردە جاسالىناتىن پاستەرلەۋ، فرەزەرلەۋ، سونىڭ نەگىزىندە اۋاعا قانىعۋ ارقىلى بالمۇزداق جاسالادى. ءۇشىنشى كەزەڭ مينۋس 36-40 تەمپەراتۋراسىندا قاتىرۋ. بۇل بالمۇزداقتىڭ كونسەرۆانتسىز كوپ ۋاقىت ساقتالۋىنا مۇمكىندىك بەرەدى. وندىرىستە حيميالىق قوسىلىستار، دامدەگىشتەر قولدانىلمايدى. بۇل بالمۇزداقتى جاساۋدا تەك شىمكەنتتىك وندىرۋشىلەردىڭ ونىمدەرى پايدالانىلادى.

«لادۋشكي» كونديتەرلىك جەلىسى 2 جىل بۇرىن بالمۇزداق شىعارۋمەن اينالىسا باستاعان. قازىر مۇندا بالمۇزداق پەن شەربەتتىڭ 30 ءتۇرى شىعارىلادى. ءاربىرىن جاساۋدا تەك شىمكەنتتىك ءونىم عانا قولدانىلادى.