ەلىمىزدەگى مەكتەپ وقۋلىقتارىنىڭ مازمۇنى جاڭارتىلدى

استانا. قازاقپارات - ەلىمىزدەگى مەكتەپ وقۋلىقتارىنىڭ مازمۇنى جاڭارتىلدى.

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر بىلىم جانە عىلىم مينيسترلىگى بىلىم بەرۋ جانە عىلىم سالاسىنداعى باقىلاۋ كوميتەتىنىڭ ءتوراعاسى سايات ءنۇسىپوۆ ءمالىم ەتتى.

بريفينگتە وڭىرلەردەگى مەكتەپتەردىڭ وقۋ جىلىنا دايىندىعى تۋرالى ماسەلە قارالعان بولاتىن.

ء«بىزدىڭ ەلىمىزدەگى مەكتەپتەردە بارلىق وقۋلىقتار ءاربىر ءتورت جىل سايىن قايتا باسىلادى. 2012 -جىلى قابىلدانعان قر مەملەكەتتىك جالپىعا مىندەتتى ءبىلىم بەرۋ ستاندارتتارىنا سايكەس، قازىرگى تاڭدا 2,3,4,5,6,9,10,11 سىنىپتارعا ارنالعان وقۋلىقتاردىڭ مازمۇنى جاڭارتىلعان. 2016-2017 وقۋ جىلدارىندا 7 -سىنىپتىڭ وقۋ قۇرالدارىنىڭ مازمۇنى تولىعىمەن جاڭارتىلادى. وسىلايشا، 2012 -جىلى قابىلدانعان ستاندارتتار ارقىلى وقۋلىقتار مازمۇنى تولىقتاي جاڭارتىلادى»، - دەدى س. ءنۇسىپوۆ.

ونىڭ ايتۋىنشا، وقۋلىقتاردى تەكسەرۋمەن اينالىساتىن رەسپۋبليكالىق كوميسسيا اياسىندا 20 پاندىك كوميسسيا قۇرىلعان. ال پاندىك كوميسسيا جەتەكشىسى رەسپۋبليكالىق كوميسسيا قۇرامىنا ەنەدى، سوسىن ول رەسپۋبليكالىق كوميسسيا الدىندا تىكەلەي جاۋاپتى بولىپ، كوميسسيا الدىندا ساراپتامانىڭ ساپالى جاسالعانىن قورعايتىن بولادى.

«ەگەر بۇعان دەيىن رەسپۋبليكالىق كوميسسيا قۇرامى 44 ادامنان تۇرعانىمەن (مەملەكەتتىك ورگان باسشىلارى، ءماسليحات مۇشلەرى، رەسپۋبليكالىق قوعامدىق بىرلەستىكتەر وكىلدەرى، ساراپشىلار)، ىشكى ساراپتامالىق توپ بولماعان ەدى. سوندىقتان دا، ونىڭ تيىمدىلىگى بولماعان. ەندى جاعدايدى وزگەرتۋگە بارلىق مۇمكىندىك بار»، - دەدى س. ءنۇسىپوۆ.

اۆتور: قانات مامەتقازى ۇلى