اقمولا وبلىسىندا تولاسىز جاۋعان جاڭبىردان بىرنەشە تۇرعىن ءۇيدى سۋ الدى

كوكشەتاۋ. قازاقپارات - اقمولا وبلىسىنىڭ ەڭبەكشىلدەر جانە بۋراباي اۋداندارى اۋماعىندا تولاسىز جاۋعان جاڭبىردان بىرنەشە تۇرعىن ءۇي مەن ءۇي اۋلاسىن سۋ الىپ، تۇرعىنداردى ءبىراز ابىگەرگە سالدى.

بۇل تۋرالى ايماقتىق ت ج د باسپا ءسوز قىزمەتىنەن حابارلادى.

ماسەلەن، ەڭبەكشىلدەر اۋدانىنىڭ ۇلگى اۋىلىندا 15 ءۇيدىڭ اۋلاسىن سۋ باسىپ قالسا، بۋراباي اۋدانىنداعى مادەنيەت اۋىلىندا 5 ءۇي سۋدا قالدى.

اتالعان ەلدى مەكەندەردەگى ۇيلەردىڭ ماڭىن سۋدان تازارتۋ جۇمىستارىنا ەڭبەكشىلدەر اۋدانىنداعى «ستەپنياك سۋ» كوممۋنالدىق كاسىپورنىنىڭ 1 تەحنيكاسى مەن جەرگىلىكتى اتقارۋشى ورگانداردىڭ 7 قىزمەتكەرى جانە بۋراباي اۋداندىق ت ج ب 10 قىزمەتكەرى مەن 15 جەرگىلىكتى تۇرعىن جۇمىلدىرىلدى.

قازىرگى كەزدە اتالعان تۇرعىن ۇيلەر مەن ءۇي اۋلالارى تولىقتاي سۋدان تازارتىلدى.

اۆتور: اسلان وسپانوۆ