جامبىل وبلىسىندا دۇنعان مادەنيەتىنىڭ كۇندەرى ءوتتى
مەرەكەلىك شارا بارىسىندا سوعىس جانە ەڭبەك ارداگەرلەرى، عىلىم جانە مادەنيەت قايراتكەرلەرى، جاستار، جامبىل وبلىسىنداعى ەتنوبىرلەستىكتەر وكىلدەرى، قىرعىزستاننان كەلگەن قوناقتار ماسانچي اۋىلىنداعى مۋزەيدى كوردى.
سورتوبە ەلدى مەكەنىنىڭ مادەنيەت سارايىندا «20 جىل بەيبىتشىلىك پەن كەلىسىم» تاقىرىبىندا «دوڭگەلەك ۇستەل» وتىرىسى ۇيىمداستىرىلدى. بۇدان باسقا قولدانبالى ونەر بايقاۋى ءوتىپ، وندا ەجەلگى دۇنعان مادەنيەتىنىڭ داستۇرلەرى كورسەتىلدى.
«قازاقستانداعى 56 مىڭ دۇنعاننىڭ 30 مىڭنان استامى جامبىل وبلىسىندا تىرشىلىك ەتىپ كەلەدى، ونىڭ 70 پايىزى- قورداي اۋدانىندا»، - دەيدى جامبىل وبلىسىنداعى «ۆىنحۋا» دۇنعان مادەني ورتالىعى قاۋىمداستىعىنىڭ باسشىسى رۋسلان يسمازوۆ.
«بۇگىنگى دۇنعان - تاۋەلسىز قازاقستاننىڭ ءوزارا تاتۋ- ءتاتتى تىرشىلىك كەشىپ جاتقان حالىقتارىنىڭ ءبىرى جانە رەسپۋبليكا ەكونوميكاسىنىڭ دامۋىنا ەلەۋلى ۇلەس قوسۋدا».