عالامدىق جىلىنۋدان لوندون جەر بەتىنەن جويىلۋى مۇمكىن

بيىل شىلدە ايى پلانەتامىزداعى ەڭ جىلى ۋاقىتتاردىڭ ءبىرى رەتىندە تىركەلدى. بۇل جايىندا ا ق ش- تىڭ ۇلتتىق مۇحيت جانە اتموسفەرالىق زەرتتەۋ باسقارماسىنىڭ ماماندارى ايتىپ وتىر.

ساراپشىلاردىڭ ايتۋىنشا، 2015 -جىلدىڭ ءبىرىنشى جارتىسى ادەتتەگىدەن جىلى بولعان. ءدال وسىنداي جاعداي بىلتىر دا قايتالانىپتى. اپتاپ ىستىق ناقتى ءبىر عانا ايماقتا ەمەس، جەردىڭ كوپتەگەن بولىگىندە ورىن العان.

اسىرەسە، پاكستان مەن ءۇندىستان ەلدەرى قاتتى زارداپ شەكتى. مۇندا قايتىس بولعاندار سانى مىڭعا جۋىقتايدى. ال، اۋا تەمپەراتۋراسى 50 گرادۋسقا دەيىن كوتەرىلگەن.

وسى عالامدىق جىلىنۋ سالدارىنان الداعى بىرنەشە جىلدا الەمدىك مۇحيت دەڭگەيى 6 مەترگە دەيىن كوتەرىلۋى مۇمكىن. ونىڭ سالدارىنان كوپتەگەن قالا سۋ استىنا كەتۋى مۇمكىن. ولاردىڭ قاتارىندا لوندون مەن بەيجيڭ دە بار. عالىمداردىڭ ايتۋىنشا، كليماتتى ەندى قايتا قالپىنا كەلتىرۋ مۇمكىن ەمەس. الەمدەگى بۇكىل ەلدەر ب ۇ ۇ تالابىن ورىنداپ، تەمپەراتۋرانى 2 گرادۋسقا تومەندەتسە تە، تابيعي اپاتتان قاشىپ قۇتىلا المايمىز دەيدى ولار.

Baq.kz