اتىراۋدا قالالىق ءى ءى ب عيماراتىن «جارىپ جىبەرمەك» بولعان ايەلگە جازا كەسىلدى

استانا. قازاقپارات - اتىراۋدا قالالىق ءى ءى ب عيماراتىن «جارىپ جىبەرمەك» بولعان ايەلگە جازا كەسىلدى، - دەپ حابارلايدى Tengrinews.kz ءتىلشىسى وبلىستىق سوتتىڭ باسپا ءسوز قىزمەتىنە سىلتەمە جاساپ.

باسپا ءسوز قىزمەتىنىڭ مالىمەتىنشە، تەرگەۋ بارىسىندا اتىراۋدا تەلەفون ارقىلى قالالىق ءى ءى ب عيماراتىندا جارىلعىش زات بار دەپ جالعان حابارلاما بەرگەن ايەلدىڭ اتىراۋ قالاسىنىڭ 27 جاستاعى تۇرعىنى موسۋنوۆا ەكەنى انىقتالدى. ول ق ر ق ك 273-بابى بويىنشا كىنالى دەپ تانىلىپ، وعان 2 جىل مەرزىمگە باس بوستاندىعىنان ايىرۋ، جازاسىن جالپى رەجيمدەگى تۇزەۋ كولونياسىندا وتەۋ تاعايىندالدى.

«جازانى ورىنداۋ 5 جىلعا كەيىن قالدىرىلدى، سەبەبى ونىڭ بالاسى 14 جاسقا تولماعان»، - دەيدى باسپا ءسوز قىزمەتىندەگىلەر.

ەسكە سالا كەتەيىك، بۇعان دەيىن اتىراۋدا ماس ايەلدىڭ قالالىق ءى ءى ب عيماراتىن «جارىپ جىبەرمەك» بولعانى حابارلانعان ەدى. وقيعا 6 -مامىردا بولدى، عيماراتتان 100 دەن استام ادام ەۆاكۋاتسيالاندى. دەگەنمەن، عيماراتتان جارىلعىش زات تابىلمادى.