قازاقستاندا لۋۆر مەن ەرميتاج سياقتى مۋزەيلەر پايدا بولادى - مادەنيەت ءمينيسترى
«ەلدەگى مۋزەيلەردىڭ جۇمىس فورماتى وزگەرتىلەدى. ق ر ۇلتتىق مۋزەيىندە قازاقستان حالقى اسسامبلەياسىنىڭ زالى اشىلادى دەپ جوسپارلانۋدا. قازاقستان مۋزەيلەرى تاريحي مۇرامىزدى زاماناۋي فورماتتا ناسيحاتتاۋ، ينتەرپرەتاتسيالاۋ ءۇشىن شەتەلدىڭ لۋۆر، ەرميتاج، ۆاتيكان سىندى مۋزەيلەردىڭ تاجىريبەسىن ەسكەرە وتىرىپ، عىلىمي مەكەمەلەردىڭ، ۋنيۆەرسيتەتتەردىڭ، مۇراعاتتار، كىتاپحانالاردىڭ عىلىمي الماسۋى جۇرگىزىلەتىن تىرەك ورتالىعىنا اينالۋى ءتيىس»، - دەپ اتاپ ءوتتى مينيستر.
«عىلىمي-زەرتتەۋ جۇمىستارى مىنا باعىتتار بويىنشا داميدى: تاريح، ارحەولوگيا، رەستاۆراتسيا، ونەرتانۋ، مادەني-اعارتۋ شارالارى، سىي-كادە يندۋسترياسى، قىزمەت كورسەتۋ جانە تاعى باسقالارى. مادەنيەت ساياساتى تۇجىرىمداماسى بويىنشا مادەنيەت سالاسىنداعى مەنەدجمەنتتى وزگەرتۋ جوسپارلانۋدا. سالا ەكونوميكا سەكتورى رەتىندە وڭتايلاندىرىلادى. ەكونوميكالىق بەلسەندىلىكتى ارتتىرۋ ماقساتىندا جەتەكشى مۋزەيلەر مەن كىتاپحانالاردىڭ اكىمشىلىك-قۇقىقتىق فورماسى مەملەكەتتىك مەكەمەدەن قازىنالىق كاسىپورىنعا اۋىستىرىلادى»، - دەدى ول.
اۆتور: جاسۇلان جولدىبايەۆ