شاش ءتۇسۋدىڭ باستى سەبەپتەرى
شاشىڭىزدىڭ اراسىنا ساۋساقتارىڭىزدى سالىپ جۇرگىزىپ كورىڭىز. ەگەر قولىڭىزدا 2 تال شاشتان ارتىق شاش قالماسا ءبارى جاقسى. ال، ەگەر ودان كوپ شاشىڭىز تۇسسە، وندا شاش ءتۇسۋدىڭ سەبەبىن انىقتاپ، دەرەۋ الدىن الۋعا كىرىسىڭىز. بۇگىن ءبىز سىزدەرگە شاش ءتۇسۋدىڭ نەگىزگى التى سەبەبىن ۇسىنامىز.
1. تەمپەراتۋرا
ءبىز كوبىنە ايازدى كۇندەرى باس كيىمسىز جۇرەمىز نەمەسە جىلى بولمەدە (مەترو، كينوتەاتر ت. ب) باس كيىم كيىپ وتىرامىز. بۇل دۇرىس ەمەس. باس كيىمدى دە ورىندى كيۋ قاجەت.
2. كۇتىمنىڭ جاسالماۋى
- دۇرىس تاڭدالعان تاراق باس تەرىسىنە جۇمساق ماسساج جاساۋ ارقىلى قان اينالىمىن دۇرىستايدى. سوندىقتان كۇنىنە بىرنەشە مينۋت (اسىرەسە ۇيقى الدىندا) شاشتى ءارتۇرلى باعىتتا تاراپ تۇرعان ابزال.
- ماماندار شاش كۇتىمىنە ارنالعان شامپۋندەر مەن بالزامداردا جازىلعان «نىعايتادى» دەگەن جازۋ قۇر ءسوز ەمەس ەكەندىگىن ايتادى. شىندىعىندا دا ولاردىڭ قۇرامىنداعى ءتۇرلى قوسپالار شاشتىڭ ءتۇسۋىن ازايتىپ، ءتىپتى توقتاتۋعا سەپتىگىن تيگىزەدى. مىسالى، جەنشەننىڭ قوسپاسى بولسا ول باستىڭ ومىرلىك كلەتكالارىنا اسەر ەتۋ ارقىلى شاشتىڭ قايراتتى بولۋىنا كومەكتەسەدى. ال، قالاقاي، تۇيمەداق، جالبىز قوسپاسى بولسا شاشتىڭ وسۋىنە اسەر ەتەدى.
3. دۇرىس تاماقتانباۋ (ديەتا)
كۇندەلىكتى ءىشىپ-جەيتىن تاعامداردا اقۋىز بەن تەمىردىڭ كوپ بولعانى دۇرىس. مايسىز قۇس ەتى، سيىر ەتى، ۇرمەبۇرشاق، سۇزبە، كوكونىستەر مەن جەمىس-جيدەكتەردى كوبىرەك جەگەن دۇرىس. ويتكەنى اعزاداعى C، B5, B6, PP دارۋمەندەرى، تەمىر، مىرىش، كالتسي مەن ماگني زاتتارى از بولسا شاش تەز تۇسە باستايدى.
4. تەمەكى شەگۋ، ىشىمدىك ءىشۋ
شاشىڭىزدىڭ ادەمى بولعاندىعىن، جالپى دەنساۋلىعىڭىزدىڭ مىقتى بولعاندىعىن قالاساڭىز تەمەكى شەگۋ، ىشىمدىك ءىشۋ سىندى زياندى ادەتتەردى تاستاڭىز.
5. باۋىردىڭ دۇرىس جۇمىس ىستەمەۋى
دەنساۋلىققا بايلانىستى كەز كەلگەن پروبلەما ءبىرىنشى كەزەكتە شاشقا اسەر ەتەدى. ماسەلەن، باۋىر اۋىرسا ەڭ ءبىرىنشى شاش پەن تىرناققا بەلگى بەرەدى. باۋىر ساۋ بولۋى ءۇشىن جاڭعاق، زىعىر مايى، مايسىز بالىق جانە تابيعي سۇزبە جەپ تۇرۋ كەرەك.
6. كۇيزەلىس
اياق استى سالماق تاستاۋ، وپەراتسيا الدىنداعى سالىناتىن ناركوز، ەموتسيونالدى ۋايىمداردان سوڭ 1-2 ايدان كەيىن شاش تۇسە باستايدى. قۇرامىندا ماگنيى بار ءبيداي، اسقاباق پىستەلەرى، اقجەلكەن، كارتوپ سىندى تاعامدار كۇيزەلىستىڭ الدىن الىپ، شاشتى قايراتتاندىرادى.
Baq.kz