قازاقستاننىڭ ازاماتتىق اۆياتسياسى بريتاندىق مودەلگە كوشەتىن بولادى
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر ينۆەستيتسيالار جانە دامۋ مينيسترى اسەت يسەكەشيەۆ ءمالىم ەتتى.
"ترانزيتتىك الەۋەتتى جانە ارالاس جۇك تاسىمالىنىڭ الەۋەتىن تيىمدى پايدالانۋ ماقساتىندا وسى باعىتتا اكىمشىلىك كەدەرگىلەردى جويۋ بويىنشا جۇمىستار باستالدى. جۇك تاسىمالداۋ بارىسىندا ەلەكتروندى قۇجات اينالىمىن جۇرگىزۋ ءۇشىن سالىق جانە كەدەندىك زاڭنامالارىنا وزگەرىستەر ەنگىزىلەدى. وسى قادامنىڭ ناتيجەسىندە 2020 -جىلعا قاراي ق ر اۋە كەڭىستىگى ارقىلى وتەتىن جۇكتەردىڭ 30 پايىزىنا وزىمىزدە قىزمەت كورسەتۋگە مۇمكىندىك الامىز"، - دەدى مينيستر.
ونىڭ سوزىنە قاراعاندا، ەلباسىنىڭ ۇلت جوسپارىنىڭ 68-قادامىندا كورسەتىلگەنىندەي، قازاقستاننىڭ ازاماتتىق اۆياتسيا كوميتەتىنىڭ قىزمەتىن بريتانيانىڭ ازاماتتىق اۆياتسيا اگەنتتىگىنىڭ جانە ە و اۆياتسيا قاۋىپسىزدىگى اگەنتتىگىنىڭ مودەلدەرىنە كوشىرۋ ارقىلى، اۋەتاسىمالى سالاسىندا مەملەكەتتىك رەتتەۋدىڭ جۇمىسىن وڭتايلاندىرۋ كوزدەلگەن.
"قازىرگى ۋاقىتتا الەمنىڭ جەتەكشى اۆياتسيالىق اكىمشىلىكتەرىمەن كەلىسسوزدەر جۇرۋدە. كەلەسى جىلى شەتەلدىك ماماندار ىسكە كىرىسەدى دەپ ويلاپ وتىرمىز. ول يكاو ستاندارتتارىنا سايكەستىگىن 65 پايىزدان 75 پايىزعا جوعارىلاتۋعا مۇمكىندىك بەرەدى"، - دەدى اسەت يسەكەشيەۆ.
اۆتور: جاسۇلان جولدىبايەۆ