شىمكەنتتە بالالار كينوستۋدياسى كورەرمەنگە العاشقى فيلمىن ۇسىندى
كوپشىلىكتىڭ كوڭىلىنەن شىققان تۋىندىنىڭ كەيىپكەرلەرىن ەندى عانا ونەرگە قادام باسقان مەكتەپ وقۋشىلارى سومداعان.
قازىر شىعارماشىل توپ تىرناق الدى تۋىندىلارىن اياقتاي سالا، تاعى ءبىر فيلم تۇسىرۋگە كىرىسىپ كەتتى. كينوستۋديا تەك فيلم ءتۇسىرىپ قانا قويمايدى.
جەتكىنشەكتەردى ارتىستىك ونەرگە دە وقىتادى. ءبىر اي العان ءدارىسى كەزىندە اراسىنان الداعى تۇسىرىلەتىن تۋىندىنىڭ كەيىپكەرىن سومدايتىن ءارتىستى تاڭداپ الادى.
باقىتجان كوشەروۆ، قويۋشى رەجيسسەر:
- بىرەۋى جاعىمدى وبرازعا، بىرەۋى جاعىمسىز وبرازعا كەلەدى. سوعان قاراپ ءارقايسىسىنا رول تاڭدالادى. بىرەۋىنە قاراقشى، بىرەۋىنە حان، ەندى بىرىنە مەيىرىمدى انا سەكىلدى. سونداي رول تابيعاتىنا ساي كەلىستىرىلىپ بەرىلەدى.
«كۇمىس قىلىش» - انيماتسيالىق فيلمدەگى كەيىپكەرلەردى شىن ارتىستەر وينايتىن ەلىمىزدەگى العاشقى ارالاس فورماتتا تۇسىرىلگەن تۋىندىلاردىڭ ءبىرى. باستى كەيىپكەرى سانجار باتىر ەلىنىڭ بىرلىگىن بۇزباقشى بولعانداردى جەڭەدى. «التىن بالىق - ارمانداردى ورىنداۋشى» اتتى ەكىنشى فيلمدە قاراقشىنىڭ رولىندە ويناپ جاتقان ءادىل ارتىستىك ونەردىڭ قىر- سىرىن ۇعىنا باستاپتى. ءادىلحان شابيرحانوۆ، جاس اكتەر:
- ادامدارعا زورلىق- زومبىلىق قىلعاندا، قاتتى كۇلگەندە، مۇڭايعاندا قيىن بولىپ جاتىر. قازىر اعالارىم كومەكتەسىپ جاتىر.
سەناري اۆتورلاردىڭ وزدەرى ويلاپ تاپقان جەلى بويىنشا جازىلعان. كەي تۇسى ءارتىستىڭ مىنەزىنە لايىقتالىپ، قۇرىلعان ەكەن. شىعارماشىل توپ جاس ارتىستەرمەن جۇمىستىڭ وزىندىك قيىندىعى مەن قىزىعى بارىن ايتادى. ۇرپاقتى ۇلتتىق رۋحتا تاربيەلەيتىن تۋىندىنىڭ جەلىسى جەتكىنشەكتەردىڭ تۇسىنىمىنە جەڭىل، تارتىمدى شىققان.
www.24.kz