استانادا الداعى كۇندەرى جاڭبىرلى بولادى

استانا. قازاقپارات - «قازگيدرومەت» ر م ك حابارلاۋىنشا، بۇگىن ەلوردادا اۋا تەمپەراتۋراسى كۇندىز +26+28°س، تۇندە +12+14°س بولادى، سولتۇستىك-شىعىستان 14 م/س جىلدامدىقپەن جەل سوعادى، دەپ حابارلايدى astana.kz.

سينوپتيكتەردىڭ بولجامىنشا، ەرتەڭ استانا قالاسىندا اۋا رايى وزگەرەدى. رەسەيدىڭ ەۋروپاعا جاقىن ايماقتارىنان قازاقستانعا قاراي جىلجىعان تسيكلون سالدارىنان استانادا بىرنەشە كۇن بويى وتكىنشى جاڭبىر جاۋادى دەپ كۇتىلۋدە.

شىلدەنىڭ 21 ءى كۇنى كوشپەلى بۇلت شىعىپ، جاڭبىر جاۋادى. سولتۇستىك-شىعىستان 9-14 م/س جىلدامدىقپەن جەل سوعادى، اۋا تەمپەراتۋراسى تۇندە +16+18°س، كۇندىز +27+29°س بولادى.

22- شىلدەدە كوشپەلى بۇلت شىعىپ، جاڭبىر جاۋادى. وڭتۇستىك-باتىستان 9-14 م/س جىلدامدىقپەن جەل سوعادى، اۋا تەمپەراتۋراسى كۇندىز +27+29°س، تۇندە +16+18°س بولادى.