اقسۋ فەرروقورىتپا زاۋىتى جاڭا ءونىم ءتۇرىن شىعارماق
وسىنىڭ ارقاسىندا وتاندىق نارىق اتالعان ءونىم تۇرىمەن تولىق قامتىلادى. اقسۋدىڭ فەرروقورىتپا زاۋىتىنداعى وسى جانە وزگە دە تىڭ جاڭالىقتار مەتاللۋرگتەر كۇنى قارساڭىندا بەلگىلى بولدى.
سونداي-اق، مەرەكە كۇنى كاسىپورىننىڭ ۇزدىك ماماندارى ماراپاتتالدى اقسۋدىڭ فەرروقورىتپا زاۋىتى جىلىنا ميلليون توننادان استام ءونىم وندىرەدى. مۇنداعى فەرروقورىتپا ا ق ش پەن ەۋروپا، قىتاي مەن رەسەي ەلىنە ەكسپورتتالادى.
- مەتاللۋرگتىڭ جۇمىسى اسقان جاۋاپكەرشىلىكتى تالاپ ەتەدى. كەزكەلگەن مامان جان-جاقتى بولۋى كەرەك. جۇمىستى جەتىلدىرۋگە اتسالىسىپ، كاسىپورىننىڭ بەدەلىن ارتتىرۋعا ۇلەس قوسۋى ءتيىس. اقسۋدىڭ فەرروقورىتپا زاۋىتىندا شاھار تۇرعىندارىنىڭ باسىم بولىگى ەڭبەكتەنەدى. سوندىقتان، قالا تۇرعاندارى مەتاللۋرگتەر كۇنىن جىل سايىن اسىعا كۇتەدى، دەدى اقسۋ فەرروقورىتپا زاۋىتىنىڭ ينجەنەرى دەنيس سەل.
بيىلعى مەرەكەنى جەرگىلىكتى جۇرتشىلىق بار ءسان-سالتاناتىمەن اتاپ ءوتۋدى جوسپارلاپ وتىر. مەتاللۋرگتەردىڭ قۇرمەتىنە قازاقستان مەن رەسەيدىڭ ەسترادا جۇلدىزدارى ونەر كورسەتپەك.