يامالادا اعاش قابىعىنا ورالعان بالانىڭ مۋمياسى تابىلدى
بالا قابىقتىڭ ىشىندە مىس پلاستينالارىنىڭ استىندا بولعان. ول بۇعى تەرىسىنە ورالعان. عالىمدار بۇل 6-7 جاسار بالا بولعانىن جانە ونىڭ سۇيەك اۋرۋلارىنان زارداپ شەككەنىن انىقتادى، دەپ حابارلادى neelov.ru.
قابىق ولشەمى بالانىڭ بويىمەن شاقتالعان، 128 سانتيمەتر.
الدىمەن عالىمدار مەتالل ىزدەۋ جابدىعىمەن زەرتتەپ، ىشىندە مەتالل زاتتارى بولعانى انىقتالدى.
ول شىلدە ايىنىڭ باسىندا تابىلعان، الايدا ونى ەكى اپتادان كەيىن زەرتحانادا اشتى. اعاش قابىعىنىڭ استىندا تەرى، ونىڭ استىندا مىس پلاستينالار بولعان. ال ولار بىلعارىدان جاسالعان باۋمەن بەكىتىلگەن.
بالانىڭ جانىندا كىشكەنتاي بالتا جاتقان. ماماندار انىقتاعانداي، بالا ءومىر سۇرگەندە ءجيى اش بولعان، سوندىقتان اۋىرعان. ءوسۋ ءۇردىسىنىڭ باسەڭدەگەنىن كورسەتەتىن سۇيەكتەگى اقاۋلىق سونىڭ دالەلى.
عالىمدار 3D سكانەرلەۋدى وتكىزۋدى جوسپارلاپ وتىر. وسىدان كەيىن عانا بۇل تاريحي جادىگەرگە قاتىستى شەشىم قابىلدانادى.