دەۆيس كۋبوگىنىڭ شيرەك فينالىندا قازاقستان تاعى ۇتىلدى

استانا. قازاقپارات - دەۆيس كۋبوگى الەمدىك توبىنىڭ اۆستراليا - قازاقستان 1/4 فينالىنىڭ ماتچى اياقتالدى، دەپ جازدى Sports.kz.

 ءبىرىنشى كۇنى ميحايل كۋكۋشكين مەن ولەكساندر نەدوۆەسوۆ تاناسي كوككيناكيس پەن نيك كيرگيوستى جەڭدى. ءبىراق ەكىنشىسىندە اۆستراليالىقتار سەميۋەل گروت پەن للەيتون حيۋيتت قازاقستاندىق اندرەي گولۋبيەۆ پەن ولەكساندر نەدوۆەسوۆتەن باسىم ءتۇستى.

 بۇگىن اۆستراليا كومانداسى كوككيناكيس پەن كيرگيوستىڭ ورنىنا كورتقا گروت پەن ءحيۋيتتى شىعاردى. قازاقستاندىقتار بۇعان دايىن بولمادى، الدىمەن كۋكۋشكين گروتتان - 3:6, 6:7, 6:4, 6:7 ەسەبىمەن، كەيىن نەدوۆەسوۆ حيۋيتتان - 6:7, 2:6, 3:6 ەسەبىمەن جەڭىلدى.

 وسىلايشا دەۆيس كۋبوگىنىڭ جارتىلاي فينالىنا اۆستراليا شىقتى.