ناسىلشىلدىككە قارسى ەرەۋىلدەر قايتا جالعاستى
14:17, 19 - شىلدە 2015
استانا. قازاقپارات - ا ق ش- تا پوليتسەيلەردىڭ باسسىزدىعىنا قارسى ءوتىپ جاتقان ەرەۋىلدەردىڭ تولاستايتىن ءتۇرى جوق.
نيۋ-يوركتە جۇزدەگەن ادام سوت عيماراتىنىڭ الدىنا جينالدى. ولار قارا ءناسىلدى ەريك گارنەردىڭ ءولىمى ءۇشىن ايىپتىلاردىڭ جازاعا تارتىلۋىن تالاپ ەتىپ وتىر.
ەستەرىڭىزگە سالا كەتەيىك، ەريك گارنەر بىلتىر شىلدە ايىندا ءتارتىپ ساقشىسىنىڭ قولىنان قازا تاپقان بولاتىن.
پوليتسەيلەر ونى تەمەكى ساتقانى ءۇشىن قاماۋعا الماق بولسا كەرەك. وسى وپەراتسيا كەزىندە پوليتسيا وفيتسەرى ونى قولعا تۇسىرگەن بويدا تۇنشىقتىرعان. دەمىكپە مەن جۇرەك اۋرۋلارىنا شالدىققان گارنەر سول جەردە جان تاپسىرىپتى. ءبىراق سوت ءتارتىپ ساقشىسىن جازىقسىز دەپ تانىدى.
www.24.kz