«بيىلعى ناۋرىزدا الماتى قالالىق ءى ءى د وزىندىك قاۋىپسىزدىك باسقارماسىنا جەرگىلىكتى تۇرعىن جول- پاترۋل پوليتسياسى قىزمەتكەرلەرىنىڭ تاراپىنان قۇقىققا قايشى ارەكەت جاساۋ دەرەگى بويىنشا حابار ءتۇسىردى. بۇل دەرەك سوتالدى ءبىرىڭعاي تەرگەۋ رەەسترىندە ق ر ق ك 361-بابىنىڭ 2- ءبولىمى بويىنشا تىركەلدى - قىزمەتتىك وكىلىن اسىرا پايدالانۋ.
بۇل قىلمىستى جاسادى دەگەن كۇدىكپەن جول- پاترۋل پوليتسياسىنىڭ قىزمەتكەرى ۇستالدى، ول ىشكى ىستەر باسقارماسىنىڭ قىزمەتكەرلەرىنە قارقىندى قارسىلىق كورسەتتى»، - دەلىنگەن قالالىق ءى ءى د باسپا ءسوز قىزمەتى تاراتقان حابارلامادا.
ارى قاراي سوتالدى تەرگەۋ مەتاريالدارىنىڭ الماتى قالالىق ارنايى پروكۋرورىنا پروتسەسۋالدىق ارەكەتتەر ءۇشىن جىبەرىلگەنى حابارلانىپ وتىر. قازىرگى ۋاقىتتا وسى دەرەك بويىنشا قىلمىستىق ءىس اياقتالدى، ونى قاراۋعا جانە شەشىم شىعارۋعا الماتى قالاسىنىڭ تۇركسىب اۋداندىق سوتىنا جىبەرىلدى.
ەسكە سالايىق، الماتىداعى قوناقۇيلەرىنىڭ بىرىنە كەلۋشىلەر قۇقىق قورعاۋ ورگاندارىنىڭ قىزمەتكەرلەرىنىڭ اراسىندا بولعان توبەلىستى ۆيدەوعا ءتۇسىرىپ العان ەدى. ۆيدەو تاياۋدا YouTube جەلىسىندەگى "وسا" قوعامىنىڭ ارناسىندا جاريالاندى.
ۆيدەو سيپاتتاماسىندا ءى ءى د وزىندىك قاۋىپسىزدىك باسقارماسىنىڭ قىزمەتكەرلەرىنىڭ جول پوليتسەيىنە شابۋىل جاساعانى جايلى ايتىلادى. روليكتە وزىندىك قاۋىپسىزىك قىزمەتىنىڭ سەمبەكوۆ مۇحيت پەن كوجاشيەۆ الماس دەگەن قىزمەتكەرلەرىنىڭ اتى اتالادى، ولار جول پوليتسەيىنىڭ قالتاسىنا پارانى سالماق بولادى دەلىنەدى، ال قولدارىنان كەلمەگەندە ونىڭ فورماسىن جىرتىپ، ۇرىپ- سوقتى دەلىنەدى.