رەسەيلىك «ترانساەرو» ۇشاعىنىڭ دوڭعالاعى جارىلدى
10:57, 20 - شىلدە 2015
استانا. قازاقپارات - ماسكەۋ - تەل- اۆيۆ باعىتىمەن ۇشقان رەسەيلىك "ترانساەرو" اۋە كومپانياسىنىڭ Boeing-737 جولاۋشىلار ۇشاعىنىڭ بەن- گۋريون اۋەجايىنا قونۋى كەزىندە دوڭعالاعى جارىلعان.
"گاارەتس" گازەتىنىڭ ەلەكتروندىق نۇسقاسى حابارلاعانداي، جاپا شەككەندەر جوق.
بەلگىلى بولعانداي، باستاپقىدا ديسپەتچەرلەر شاسسيدان شىعىپ جاتقان ءتۇتىندى اڭعارعان. كەيىن ۇشاققا ءورتتىڭ الدىن الۋ ءۇشىن تەحنيكالىق ماماندار توبى مەن توتەنشە جاعدايلار بريگاداسى جونەلتىلدى.
لاينەر بورتىندا 129 ادام بولدى، ولاردىڭ بارلىعى قاۋىپسىز جەرگە شىعارىلىپ، اۋەجاي تەرمينالىنا جەتكىزىلدى.