باتىس ەلدەرى قازاقستانداعى بۇركىتشىلەردىڭ شەبەرلىگىنە تامساندى - فوتو

استانا. قازاقپارات - ۇلتتىق كيىمدەرىن كيىپ، وڭ قولدارىنا بۇركىت قوندىرعان قازاقستاندىق بۇركىتشىلەر سانىمەن، ەرەكشەلىگىمەن، سونداي-اق ناعىز ەركەككە ءتان باتىلدىعىمەن عاجايىپ اسەر قالدىرادى، دەپ جازدى امەريكاندىق CNN تەلەارناسى.

كەيبىرەۋلەرىنىڭ بيىكتىگى 1 مەترگە دەيىن جەتەتىن بۇركىتتەر بۇركىتشىلەردىڭ قولىندا وتىرادى. شىڭعىسحان باسقارعان زاماننان باستاپ قازاقتاردا اڭشىلىقتا قىران قۇسىن پايدالانۋ ءداستۇرى قالىپتاسقان، دەپ اتاپ ءوتتى CNN.

بەلگىلى ورنيتولوگ جانە قۇستاردى جاتتىقتىرۋشى پاۆەل پفاندەردىڭ سوزىنە قاراعاندا، «اڭشىلىقتا قۇستاردى پايدالانۋ ەرەكشە ونەر جانە مۇنىمەن نەگىزىنەن قازاقستاندا جانە كورشىلەس قىرعىزستاندا اينالىسادى».

سونىمەن قاتار ورنيتولوگ قازىرگى ۋاقىتتا قازاقستاندا شامامەن 50 ادام جابايى قۇستاردى جاتتىقتىرۋمەن اينالىساتىنىن اتاپ ءوتتى.

قازاقتىڭ قىرانمەن اڭ اۋلاۋ داستۇرىنە دەگەن قىزىعۋشىلىق ارتقاندىقتان، قازاقستاندا الماتى قالاسى ماڭىنداعى «سۇڭقار» پيتومنيگىن قارجىلاندىرادى.