اقتوبە وبلىسىندا مۇسىنشىلەردىڭ حالىقارالىق سيمپوزيۋمى ءوز مارەسىنە جەتتى - فوتو

اقتوبە. قازاقپارات - بۇگىن اقتوبەدە بالقىتىپ ءمۇسىن جاساۋ بويىنشا «مەتالل فورۋمى - شەكاراسىز شىعارماشىلىق» اتتى حالىقارالىق سيمپوزيۋم اياقتالدى، ول قازاق حاندىعىنىڭ 550 جىلدىعىنا ارنالعان.  

شاراعا رەسەي مەن قازاقستاننىڭ سۋرەتشىلەر وداعىنىڭ مۇشەلەرى، كاسىبي مۇسىنشىلەر قاتىستى.

اتاپ ايتقاندا، مۇندا نيجنيي تاگيلدەن كەلگەن اندرەي باراحۆوستوۆ، الەكساندر يۆانوۆ، الەكساندرا پىستانوگوۆا، نيەۆيانسكىدەن كەلگەن يۋريي زايكين مەن اقتوبە وبلىستىق ونەر مۇراجايىنىڭ ديرەكتورى مارات عابدراحمانوۆ ءوز ونەرلەرىن پاش ەتەدى. 

 ەكى اپتا بويى سۋرەتشىلەر كەڭەس وداعىنىڭ باتىرى ءاليا مولداعۇلوۆانىڭ وتانى قوبدا اۋدانىندا مەتالدان مۇسىندەر سوقتى.  
 سيمپوزيۋمنىڭ سوڭعى ءبولىمى اقتوبە قالاسىنداعى وبلىستىق ونەر مۇراجايىنىڭ كىرەبەرىسىندە ءوتتى. مۇندا تەمىردەن ءتۇيىن تۇيەتىن شەبەرلەردىڭ قولىنان شىققان «مەرگەن» ، «جارشى» ، «امازونكا» ، «باقسى» ، «قوش كەلدىڭىزدەر» «توتەم» كومپوزيتسيالارى قويىلدى.