استانادا جانە جەزقازعاندا تەلەفوندار شىعارىلاتىن بولادى
دەپ حابارلايدى «NADLoC» جەرگىلىكتى قامتۋدى دامىتۋ ۇلتتىق اگەنتتىگى» ا ق باسپا ءسوز قىزمەتى.
قازاقستاندا تەلەكوممۋنيكاتسيالىق سالانى دامىتۋ ماقساتىندا «NADLoC», «Avaya» جانە «قاز تەح ەلەكترونيكا» كومپانيالارى اراسىندا ءۇشجاقتى مەموراندۋمعا قول قويىلدى.
بۇل ىنتىماقتاستىق «100 ناقتى قادام» ۇلت جوسپارىندا ەلباسى ن. نازاربايەۆتىڭ ەكونوميكانىڭ الەۋەتتى سالالارىندا حالىقارالىق ستراتەگيالىق سەرىكتەستەرمەن بىرگە بىرلەسكەن كاسىپورىنداردى قۇرۋ جونىندەگى تاپسىرماسىن ورىنداۋ اياسىندا جاسالۋدا.
تاراپتار قازاقستاندا تەلەفون ستانسالارى مەن تەلەفون قۇرىلعىلارىنىڭ ءوندىرىسىن اشۋدى، ەلدە وسى سالاداعى جەرگىلىكتى قامتۋدىڭ ۇلەسىن ارتتىرۋدى جانە جاڭا تەحنولوگيالاردى ەنگىزۋدى كوزدەيدى.
«ءبىرىنشى كەزەڭدە ءبىز 30 پايىز جەرگىلىكتى قامتۋدى قامتاماسىز ەتەتىن بولامىز. بىرىنشىدەن، قۇرالداردى جيناۋ ءۇشىن جەرگىلىكتى ينجەنەر- باعدارلاماشىلار، تەحنيكالىق جۇيەلەۋشى ينجەنەرلەر تارتىلادى. جاڭا جۇمىس ورىندارى اشىلىپ، ءوزىمىزدىڭ بىلىكتى ماماندارىمىز دايىندالادى»، - دەيدى «NADLoC» اگەنتتىگىنىڭ باسقارما ءتوراعاسى قايرات بايتۇرگەنيەۆ.
قازىرگى ۋاقىتتا وندىرىستىك بازا سالىناتىن ىڭعايلى ورىن ىزدەستىرىلۋدە.
الماتىدا ازىرلەۋشىلەر ورتالىعىن قۇرۋ جوسپارلانۋدا. ال جەزقازعاندا وندىرىستىك جانە قۇراستىرۋ سەحىن، تەستىلىك زەرتحانانى، ينجەنەرلىك ءبولىم مەن ازىرلەۋشى- باعدارلاماشىلاردى قامتيتىن وندىرىستىك بازا دايارلانۋدا. ال استانادا جابدىقتاردىڭ سەريالىق پارتياسىن شىعارۋدى قامتاماسىز ەتەتىن قاجەتتى الاڭدار ىزدەستىرىلۋدە.
«جوبا اياسىندا «Avaya» كومپانياسىنىڭ تەحنولوگياسى نەگىزىندە ارنايى وقۋ ورتالىعىن اشۋ كوزدەلۋدە. وندا قازاقستاندىق ينجەنەرلەر وقىتىلىپ، بىلىكتىلىكتەرى جوعارىلاتىلادى»، - دەيدى «Avaya» كومپانياسىنىڭ قازاقستانداعى جانە قىرعىزستانداعى وكىلدىگىنىڭ باسشىسى سەرىك ءالياسقاروۆ.
بۇگىنگى تاڭدا مۇنداي جۇيەلەردىڭ ءوندىرىسى قازاقستاندا جوق، دەگەنمەن نارىق بىرنەشە ميلليون دوللارعا تاتيدى.