پرەزيدەنت كينوعا ءتۇسىپ جاتىر

استانا. قازاقپارات - عالامتوردا ا ق ش پرەزيدەنتى باراك وباما مەن ونىڭ بولاشاق جارى ميشەل ەكەۋىنىڭ العاشقى كەزدەسۋ تۋرالى «وزىڭمەن بولعان ساۋتسايد» مەلودراماسىنىڭ ءتۇسىرىلىم الاڭىنان فوتوسۋرەتتەر تارادى.

بۇل تۋرالى The Hollywood Reporter حابار تاراتتى.

سۋرەتتەردە باراك وباما مەن ميشەل روبينسون ساياباقتا سەرۋەندەپ، ا ق ش- تىڭ بولاشاق پرەزيدەنتى عاشىعىنا بىرنارسەنى قىزۋ اڭگىمەلەپ جاتىر. فيلمدە باستى رولدەردى اكتەرلەر پاركەر سويەرس پەن تيكا سامپتەر سومدايدى.

كارتينانىڭ رەجيسسەرى ءارى سەناري اۆتورى ريچارد تانن.

وقيعا جەلىسى 1989 -جىلدارى چيكاگو قالاسىندا ءوربيدى. بۇل باراك وباما گارۆارد زاڭ مەكتەبىندە ەكىنشى جوعارى ءبىلىمىن الىپ، Sidley Austin فيرماسىندا جۇمىس ىستەپ جۇرگەن كەزى. بولاشاق جارى سول كەزدە وبامانىڭ باستىعى بولىپتى. فيلمنىڭ سيۋجەتى قوس عاشىقتىڭ العاشقى كەزدەسۋ ءساتىن نەگىزگە العان. وندا وباما مەن روبينسون چيكاگو ونەر ينستيتۋتىن ارالاپ، سپايك ليدىڭ فيلمىن تاماشالايدى.

سونداي-اق ا ق ش پرەزيدەنتىنىڭ ەستەلىك كۇندەلىگىندە جازىلعانداي، بولاشاق پرەزيدەنت پەن ونىڭ بولاشاق جارى بالمۇزداق ساتۋشىسى وتىراتىن ورىندىقتىڭ قاسىندا العاش رەت سۇيىسكەن ەكەن.

bnews.kz