قىزىلوردالىق «قايسار» فۋتبول كلۋبى بانكروت دەپ تانىلدى
07:39, 15 - شىلدە 2015
استانا. قازاقپارات - قىزىلوردالىق «قايسار» فۋتبول كلۋبى بانكروتتىققا ۇشىرادى. بۇل تۋرالى قىزىلوردا وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ باسپا ءسوز قىزمەتى حابارلادى، دەپ جازادى kyzylorda-news.kz.
«قايسار» فۋتبول كلۋبى ب ق- ى تولەمگە دارمەنسىزدىگىنە بايلانىستى ءوزىن-ءوزى بانكروت دەپ تانۋ تۋرالى ارىزىمەن سوتقا جۇگىنگەن.
«قىزىلوردا قالاسى بويىنشا مەملەكەتتىك كىرىستەر باسقارماسى» م م- دەگى كرەديتور وكىلى سوت وتىرىسىندا، بورىشكەردىڭ ارىزى بويىنشا قارسىلىعىنىڭ جوق ەكەندىگىن ءبىلدىردى.
سوت ازاماتتىق ءىس ماتەريالدارىن قاراپ، بورىشكەر «قايسار» فۋتبول كلۋبى ب ق- نىڭ بانكروت دەپ تانۋ تۋرالى ارىزىن قاناعاتتاندىرىپ، تاراتۋعا شەشىم شىعاردى.