گرەك زەينەتكەرىنىڭ ايانىشتى تاعدىرىن عالامتوردان كورگەن اۆستراليالىق بيزنەسمەن كومەكتەسۋگە بەل بۋدى
14:17, 13 - شىلدە 2015
استانا. قازاقپارات - اۆستراليالىق بيزنەسمەن گرەك زەينەتكەرىنىڭ ايانىشتى تاعدىرى جايلى تۇسىرىلگەن سۋرەتتى عالامتوردان كورىپ، وعان كومەكتەسۋگە بەل بۋدى.
قاريا گرەك بانكىنىڭ ماڭىندا زەينەتاقىسىن شوتىنان الا الماعاندىقتان جىلاپ وتىرعان. فوتو ەلدەگى داعدارىس ازاماتتارعا قالاي اسەر ەتكەنىن كورسەتەدى.
ونى FrancePresse اگەنتتىگىنىڭ سۋرەتشىسى تۇسىرگەن. الەمنىڭ تۇكپىر-تۇكپىرىنە شارلاپ كەتكەن فوتونى اۆستراليالىق دجەيمس كۋفوس تا كورگەن.
«مەن گرەكتەرگە قالاي كومەكتەسۋ كەرەكتىگىن ويلاستىردىم. بىرنەشە امالدى ويلاپ تاپتىق. بىرىنشىدەن، مەنىڭ جەكە قاراجاتىمدى جانە كومپانيا قارجىسىن پايدالانۋعا بولادى. ەكىنشىدەن، الەۋمەتتىك پايدالانۋشىلاردىڭ كومەگىنە جۇگىندىك. ولار دا قاراپ قالمادى. ادامداردى اشتىقتان ساقتاپ، ولاردىڭ باسپاناسى بولۋى ءۇشىن قولىمىزدان كەلگەنىن جاساعىمىز كەلەدى. گرەكياعا ارنايى بارىپ اقشا تاپسىرۋدى ويلاستىرۋدامىز»، - دەدى ءتۇبى گرەكيالىق كاسىپكەر دجەيمس كۋفوس.