شىمكەنتتە اكىمدىك پەن ۇلتتىق قاۋپسىزدىك كوميتەتىنىڭ عيماراتىن «جارماق» بولعان ەر ادام تۇتقىندالدى

 استانا. قازاقپارات - شىمكەنت قالاسى ءال- فارابي اۋداندىق سوتى 11 - شىلدە كۇنى ق ر قىلمىستىق كودەكسىنىڭ 273- بابى بويىنشا كۇدىكتى دەپ تانىلعان م. ابدراحمانوۆتى 2 ايعا قاماۋعا الۋ بۇلتارتپاۋ شاراسىنا سانكسيا بەردى. بۇل تۋرالى وڭتۇستىك قازاقستان وبلىستىق سوتىنىڭ باسپا ءسوز قىزمەتىنەن حابارلادى.

 «كۇدىكتى م. ابدراحمانوۆ 08.07.2015 - جىلى ساعات 11-00 شاماسىندا شىمكەنت قالاسى، تەمىرلان تاس جولىندا ورنالاسقان «اۆتونۇر» بازارىنا بارىپ، سول جەردەگى «نامازحانانى» شىمكەنت قالاسىنىڭ اكىمدىگى مەن ۇ ق ك- ءى بىرىگىپ جاپقانىنا ىزالانىپ، سول كۇنى ساعات 14-00 شاماسىندا شىمكەنت قالاسىنىڭ اكىمدىگى الدىنا كەلىپ، ءوزىنىڭ ۇيالى تەلەفونىنان 102 سىمتەتىگى ارقىلى قوڭىراۋ سوققان. ول «اۆتونۇر» بازارىنداعى نامازحانانى تەز ارادا اشپاسا، شىمكەنت قالالىق اكىمدىگى جانە ۇ ق ك عيماراتتارىن جاراتىنى جونىندە جالعان حابارلاما جاساعان»، دەلىنگەن حابارلامادا.

ءىس بويىنا تەرگەۋ امالدارى جۇرگىزىلۋدە.

قاۋلى زاڭ كۇشىنە ەنگەن.