قازاقپارات قىزمەتكەرلەرى ۇستەل تەننيسىنەن وتكەن تۋرنيردە جۇلدەلى ورىنان كورىندى

استانا. قازاقپارات - «قازمەديا ورتالىعى» عيماراتىندا «Kazsport» تەلەارناسىنىڭ 2 جىلدىعىنا وراي ب ا ق قىزمەتكەرلەرى اراسىندا ۇستەل تەننيسىنەن تۋرنير وتكىزىلدى.

سپورت دوداسىندا ب ا ق سىناعان قازاقپارات حالىقارالىق اقپارات اگەنتتىگى قىزمەتكەرى داۋرەن مۇحامەدجانوۆ ءبىرىنشى ورىندى جەڭىپ السا، تاعى ءبىر ارىپتەسىمىز قانات ماقان ءۇشىنشى ورىندى ەنشىلەدى.

ايتا كەتەيىك، وسىدان 2 جىل بۇرىن، ياعني 2013 - جىلدىڭ 1 - شىلدەسىندە «قازاقستان» رەسپۋبليكالىق تەلەراديوكورپوراتسياسىنىڭ بازاسىندا تاۋلىگىنە 21 ساعات حابار تاراتاتىن مەملەكەتتىك «Kazsport» سپورتتىق تەلەارناسى ىسكە قوسىلعان ەدى. مامانداندىرىلعان ارنا ەلباسى نۇرسۇلتان نازاربايەۆتىڭ تاپسىرماسى بويىنشا اشىلعان بولاتىن.

«Kazsport» بۇل - «Eurosport»، «سپورت 1»، «سپورت+» جانە باسقا دا ەۋروپالىق جانە الەمدىك سپورتتىق تەلەارنالاردىڭ دەڭگەيىندە حابار تاراتاتىن ورتالىق ازيا اۋماعىنداعى جالعىز سپورتتىق تەلەارنا.