شالقيادا گيدرومەتاللۋرگيالىق زاۋىت سالىنادى

قىزىلوردا. قازاقپارات - «شالقيا» كەنىشىندەگى قورعاسىن مىرىش ءوندىرىسىن «سامۇرىق قازىنا» قورىمەن بىرلەسە يگەرۋ جۇمىستارى ءجۇرىپ جاتىر.

بۇگىندە كەن بايىتۋ كومبيناتىنىڭ بازالىق جوباسىن ازىرلەۋ اياقتالىپ، دەتالدىق جوبالاۋ جۇمىستارى قولعا الىندى.

بۇل تۋرالى قىزىلوردا وبلىستىق ءماسليحاتىنىڭ كەزەكتى سەسسياسىندا ايتىلدى.

ۇستىمىزدەگى جىلدىڭ مامىر ايىندا «سامۇرىق قازىنا» ا ق باسقارما ءتوراعاسى ءومىرزاق شوكەيەۆتىڭ ءىس ساپارى اياسىندا كاسىپورىندا قورعاسىن مەن مىرىشتى تەرەڭ وڭدەۋگە بەيىمدەۋ جانە سونىڭ نەگىزىندە گيدرومەتاللۋرگيالىق زاۋىت قۇرىلىسىن سالۋ جونىندە شەشىم قابىلداندى. بۇل ءوز كەزەگىندە مەتالل پروكاتىن الۋعا مۇمكىندىك بەرەتىن جوبانىڭ كەلەسى ساتىسى بولىپ تابىلادى.

سونىمەن قاتار، «مولل» نەمىس كومپانياسى «تاۋ كەن سامۇرىق» ۇلتتىق كومپانياسىمەن وسى اۋماقتاعى قورعاسىندى پايدالانا وتىرىپ اككۋمۋلياتور زاۋىتىن سالۋ جونىندە كەلىسسوزدەر جۇرگىزۋدە.

ايتا كەتكەن ءجون، ماشينا جاساۋ جانە فەرروقورىتپا زاۋىتتارىنىڭ قۇرىلىسى جونىندەگى جوبالىق قۇجاتتار ازىرلەنىپ، مەملەكەتتىك ساراپتامادان وتۋگە جىبەرىلدى.