ەكى قولعا ءبىر كۇرەك تاپقانداردىڭ سانى جاعىنان الماتى وبلىسى كوش باستادى

استانا. قازاقپارات - ەلىمىزدە سوڭعى اپتا ىشىندە قانشا ادام جۇمىس تاپتى؟ ەكى قولعا ءبىر كۇرەك تاپقانداردىڭ سانى جاعىنان الماتى وبلىسى كوش باستاپ تۇر، دەپ حابارلادى www.24.kz.

مۇندا 602 جۇمىس ورنى اشىلعان. ال اتىراۋ وبلىسىندا 501 جاڭا جۇمىس ورنى اشىلدى. ءۇشىنشى ورىندا - باتىس قازاقستان وبلىسى. مۇندا 471 ادام تۇراقتى جۇمىسپەن قامتىلعان. ءتورتىنشى ورىندا - استانا قالاسى. باس قالادا 452 جاڭا جۇمىس ورنى بار. قوستانايدا 178 جۇمىس ورنى اشىلىپ، 250 تۇرعىن ەڭبەكپەن قامتىلعان. ال شىعىس قازاقستاندا 170 جۇمىس ورنى اشىلىپ، 163 ادام ەكى قولعا ءبىر كۇرەك تاپتى. اقتوبە مەن وڭتۇستىك قازاقستان وبلىستارىندا 160 تان استام جۇمىس ورنى اشىلىپ، ەكى وڭىردە 689 ادام جۇمىسقا ورنالاستى.

سونداي-اق پاۆلوداردا - 93، سولتۇستىك قازاقستاندا - 62، اقمولا وبلىسىندا - 60، جامبىلدا - 55، ماڭعىستاۋدا - 40 جانە  قىزىلوردادا- 37، قاراعاندىدا 15 تۇراقتى جۇمىس ورنى اشىلعان.