قاراقات ءابىلدينا: مەن ءۇشىن «استانا جۇلدىزى» جۇلقىنىپ كىرىسەتىندەي جارىس ەمەس
سونىڭ ءبىرى «قىزدار اراسىنداعى ۇزدىك ءانشى» اتالىمى بولاتىن.
دەگەنمەن، كوپشىلىك بۇل نوميناتسيانى قاراقات ءابىلدينا الۋى كەرەك ەدى دەپ رەنىشتەرىن بىلدىرگەن. وسى ورايدا قاراقات بۇل جايتقا وراي ءوز پىكىرىن ءبىلدىردى.
كوپشىلىك ەلىمىزگە ەڭبەگى سىڭگەن ءانشىنى جاستاردىڭ قاتارىنا قوسقاندارى دۇرىس بولماعانىن ايتۋدا دەپ جازدى baistars.kz.
«استانا جۇلدىزىنىڭ» ءدۇبىرى ءالى باسىلماي تۇر... بۇل قۋاناتىن جاعداي دەپ ايتسا دا بولاتىن شىعار... سەبەبى بۇرىن وسىنداي بايقاۋلاردى شەت ەلدەردەن عانا كورسەك، قازىر ءوزىمىز دە ادەمى كويلەگىمىزدى كيىپ، قىزىل كىلەمگە شىعامىز دەپ كادىمگىدەي دايىندالاتىن بولدىق. دوستارىمىزبەن، جاقىندارىمىزبەن ارقا جارقا بولىپ جاتۋدىڭ ءوزى تۇسىنە بىلگەنگە ءبىر عانيبەت ەمەس پە؟! ونىڭ ۇستىنە تىكەلەي ەفير ارقىلى رەسپۋبليكا جۇرتشىلىعىمەن دە قاۋىشىپ جاتىرمىز... لايىم، عۇمىرى ۇزاق بولسىن دەگىم كەلەدى...
ال ەندى ماعان ءسىز جۇلدەگە لايىق ەدىڭىز دەپ جازىپ جاتقان تىلەۋلەستەرىمە اللا رازى بولسىن! ارىپتەس دوستارىم جاقسى بىلەدى, ءار ونەر ادامىنىڭ ءوزىنىڭ ۇمتىلاتىن ماقساتتارى بولادى... جەڭسەم دەيتىن بەلگىلى ءبىر دارەجەدەگى بايقاۋ، كونكۋرستارى بولادى...»، - دەپ ريزاشىلىعىن ءبىلدىردى ءانشى.
ءابىلدينا اتالعان بايقاۋدا جەڭۋ وعان ايتارلىقتاي ماڭىزدى بولماعانىن العا تارتتى.
«مەن ءۇشىن «استانا جۇلدىزى» جۇلقىنىپ كىرىسەتىندەي جارىس ەمەس! «استانا جۇلدىزى» ونەر ادامدارىنىڭ، تانىمال تۇلعالاردىڭ باسىن قوساتىن سالتاناتتى كەش! مەن دومبىرامدى ۇستاپ ساحناعا شىققاندا تيتتەي ءبۇلدىرشىن بولاتىنمىن، ونەردە جۇرگەنىمە 15 جىلدان اسىپ كەتتى. تالاي دوداعا ءتۇسىپ، بۇيىرعان نەسىبەمدى العان اداممىن، ءبىر باسىما جەتەتىن مەملەكەتتىك دارەجەدەگى اتاق ابىرويىم بار.
قىدىر بولسا ءوز ەلىمىز تۇگىلى وزگە ەلدىن دە ءبىرتالاي جۇلدەسىن الىپ، اتاق داڭقتىڭ كوكەسىن كورىپ، ءوز بيىگىندە جۇرگەن ادام... ءبىزدىڭ قازىرگى ماقساتىمىز سول قاسىقتاپ جيعان ابىرويدى ساقتاپ، ءوز بيىگىمىزدەن تومەندەمەۋ... سىزدەردىڭ تولاسسىز جازعان لەبىزدەرىڭىز ەشقانداي اقشامەن ولشەنبەيتىن باعا جەتپەس بايلىق ءبىز ءۇشىن!!! سوندىقتان دا بولار مەن ءوزىم جاستارمەن جاعالاسىپ، كونكۋرستارعا قاتىسا دا بەرگىم كەلمەيدى...
بۇل جولى دا قارسى بولىپ ەدىم، ءبىراق مەنىڭ اتىمنىڭ سول جەردە تۇرعانى بىرەۋلەرگە قاجەت بولعان بولۋى كەرەك، قوسىپتى... جانار تالانتتى قىز! كونكۋرستارعا قاتىسىپ كورىنەتىن اق كەزى, ول ءۇشىن قۋانباسام رەنجىمەيمىن... قاسيەتتى ورازا ايىندا ارتىق سوزگە بارماي تاتۋ جۇرگەنىمىز جاقسى عوي... بارلىقتارىڭىزعا اللا رازى بولسىن» - دەدى ءانشى.
Nur.kz