قازاقستان پرەزيدەنتى بريكس پەن ش ى ۇ سامميتتەرىنە قاتىسۋ ءۇشىن ۋفاعا كەلدى
ساپارى اياسىندا ەلباسىنىڭ ءبىرقاتار ەكىجاقتى، ونىڭ ىشىندە رەسەي پرەزيدەنتى ۆلاديمير پۋتينمەن جانە اۋعانستان پرەزيدەنتى اشراف گانيمەن كەزدەسۋى جوسپارلانعان.
فورۋمداردىڭ باعدارلاماسى بويىنشا شاعىن جانە كەڭەيتىلگەن قۇرامدا كەلىسسوزدەر وتكىزۋ كوزدەلىپ وتىر. مەملەكەت باسشىلارى الەمدەگى وزەكتى ماسەلەلەردى، سونىڭ ىشىندە ۋكراينا مەن گرەكياداعى احۋالدى تالقىلايدى، سونداي-اق كۇن تارتىبىندە د ا ي ش تەرروريستىك ۇيىمىمەن كۇرەس پروبلەماسى دا بار.
بۇدان بولەك، ينۆەستيتسيالىق جوبالاردى بىرلەسىپ قارجىلاندىرۋ، ساۋدا-ەكونوميكالىق بايلانىستاردى كەڭەيتۋ، حالىقارالىق ەكونوميكالىق احۋالدى ساۋىقتىرۋ ماسەلەلەرى قارالادى.
ق ر پرەزيدەنتى نۇرسۇلتان نازاربايەۆ ەرتەڭ ش ى ۇ سامميتىنە قاتىسادى، ال بۇگىن بريكس سامميتىنە شاقىرىلعان مارتەبەلى مەيمان رەتىندە قاتىسۋدا.
ش ى ۇ سامميتىنىڭ نەگىزگى تاقىرىپتارىنىڭ ءبىرى - ۇيىمعا جاڭا مۇشەلەردىڭ قوسىلۋى، سونىڭ ىشىندە ءۇندىستان مەن پاكىستان، كەيىن يراننىڭ ش ى ۇ - عا مۇشە اتانۋ مۇمكىندىگى قارالادى. سامميتتەرگە قاتىسۋ ءۇشىن ەۋرازيالىق ەكونوميكالىق وداق ەلدەرىنىڭ باسشىلارى شاقىرىلعان.
ش ى ۇ سامميتىنىڭ قاتىسۋشىلارى 14 شەشىم قابىلدايدى.
«باستى قۇجاتتار - ۋفا دەكلاراتسياسى، 2025 -جىلعا دەيىنگى ش ى ۇ دامۋ ستراتەگياسىن بەكىتۋ تۋرالى شەشىم، ءۇندىستان مەن پاكىستاندى قابىلداۋ پروتسەدۋراسىن باستاۋ تۋرالى ەكى شەشىم»، - دەپ اتاپ ءوتتى ر ف پرەزيدەنتىنىڭ كومەكشىسى يۋري ۋشاكوۆ.
ايتا كەتۋ كەرەك، باشقۇرت ەلىنىڭ استاناسىنا اۋقىمدى شارادان حابار تاراتۋ ءۇشىن الەمنىڭ تۇكپىر- تۇكپىرىنەن 1 مىڭنان استام باق وكىلى كەلدى.
ەستەرىڭىزگە سالا كەتەيىك، بريكس مۇشەلەرى - برازيليا، رەسەي، ءۇندىستان، قىتاي، وڭتۇستىك افريكا رەسپۋبليكاسى. شاڭحاي ىنتىماقتاستىق ۇيىمىنا قازاقستان، ر ف، ق ح ر، قىرعىز رەسپۋبليكاسى، تاجىكستان جانە وزبەكستان مۇشە. سونىمەن قاتار ءۇندىستان، پاكىستان، يران، موڭعوليا جانە اۋعانستان باقىلاۋشى مارتەبەسىنە يە. بيىلعى جىلى رەسەي فەدەراتسياسى ەكى ۇيىمعا دا ءتوراعالىق ەتۋدە.
ەستەرىڭىزگە سالا كەتسەك، 2010 -جىلدىڭ ماۋسىمىنان 2011 -جىلدىڭ ماۋسىمىنا دەيىن قازاقستان شانحاي ىنتىماقتاستىق ۇيىمىنا ءتوراعالىق ەتكەن ەدى.
«ءبىز ۇيىم قىزمەتىنىڭ بارلىق سالالارىن قاۋىپسىزدىك، ەكونوميكالىق جانە مادەني- گۋمانيتارلىق- ىنتىماقتاستىق سالالارىن تەڭگەرىمدى دامىتۋ نەگىزىندە ش ى ۇ قىزمەتىن ساپالى تۇردە تولىقتىرا تۇسۋگە ۇمتىلدىق. 2010-2014 -جىلدارعا ارنالعان ش ى ۇ ءىس- قيمىل جوسپارى جانە ءتوراعالىق كەزىندەگى «قاۋىپسىزدىك پەن ىنتىماقتاستىق جولىنداعى 10 جىل» ۇرانى اياسىندا عانا 100 دەن استام بىرلەسكەن ءىس- شارا وتكىزىلدى»، - دەگەن بولاتىن قازاقستان پرەزيدەنتى 2011 -جىلدىڭ 3 -ماۋسىمىندا «روسسييسكايا گازەتا» باسىلىمىندا جاريا ەتىلگەن «ش ى ۇ : تاريحتىڭ 10 -جىلى» اتتى ماقالاسىندا.
مەملەكەت باسشىسى اتاپ وتكەندەي، ش ى ۇ- عا ءتوراعالىعى كەزىندەگى قازاقستاننىڭ ماڭىزدى باسىمدىعى وڭىرلىك جانە جاھاندىق قاۋىپسىزدىكتى نىعايتۋى بولدى.
سونىمەن قاتار قازاقستاننىڭ ءتوراعالىعى كەزىندە ش ى ۇ اياسىنداعى ەسىرتكى قاۋپىمەن كۇرەس ماسەلەلەرى جونىندەگى ءوزارا ءىس- قيمىلدىڭ ءۇش دەڭگەيلى تەتىگىن قالىپتاستىرۋ اياقتالعان بولاتىن. قازاقستان 2011-2016 -جىلدارعا ارنالعان ش ى ۇ- عا مۇشە مەملەكەتتەردىڭ ەسىرتكىگە قارسى ستراتەگياسىن ازىرلەۋ ىسىنە دە زور ۇلەس قوستى. اتالعان قۇجات استانادا وتكەن ش ى ۇ- نىڭ مەرەيتويلىق سامميتىندە قابىلداندى.
اۆتور: مارلان جيەمباي